اسلام آباد//شنگھائی تعاون تنظیم (ایس سی او) کے سیکرٹری جنرل سفیر ژانگ منگ تین روزہ دورے پر پاکستان کا دورہ کر رہے ہیں اور وہ 15 سے 16 ستمبر تک ازبکستان کے شہر سمرقند میں ہونے والے ایس سی او کے سالانہ سربراہی اجلاس میں شرکت کے لیے وزیر اعظم شہباز شریف کو دعوت دیں گے۔
بھارتی وزیراعظم نریندر مودی بھی سربراہی اجلاس میں شرکت کریں گے جس سے پاکستان اور بھارت کے وزرائے اعظم کو آمنے سامنے آنے کا موقع ملے گا۔ چھ سالوں میں یہ پہلی بار ہے کہ دونوں وزرائے اعظم ایک چھت کے نیچے موجود ہوں گے اور ایک دوسرے کو دیکھنے کا موقع حاصل کریں گے۔اعلیٰ سطح کے سفارتی ذرائع نے جمعرات کو یہاں کو بتایا کہ شہباز اور مودی کے درمیان ملاقات کے امکان کو رد نہیں کیا جا سکتا کیونکہ دونوں دو دن تک ایک ہی کمپاؤنڈ میں رہیں گے۔
دونوں کی کوئی منظم میٹنگ نہیں ہوئی ہے کیونکہ ہندوستان نے ابھی تک اس کی درخواست نہیں کی ہے۔ اگر ایسی درخواست کی گئی تو پاکستان کا ردعمل مثبت ہوگا۔ ذرائع نے مزید کہا کہ ایران آئندہ سربراہی اجلاس میں اپنے نئے رکن کے طور پر آٹھ رکنی اتحاد میں شامل ہوگا۔ایس سی او کے سیکرٹری جنرل دورہ پاکستان میں بیجنگ میں واقع ایس سی او سیکرٹریٹ کے اعلیٰ حکام کے وفد کی سربراہی کریں گے۔
اس دورے پر تبصرہ کرتے ہوئے، دفتر خارجہ نے کہا”ایس سی او کے سیکرٹری جنرل کا دورہ پاکستان کو ایس سی او سیکرٹریٹ کے ساتھ منسلک ہونے کا موقع فراہم کرے گا جبکہ مشترکہ علاقائی سلامتی اور اقتصادی اہداف کو آگے بڑھانے کے لیے ایس سی او کے طریقہ کار کو مزید موثر بنانے کے لیے اپنے نقطہ نظر اور ترجیحات کو اجاگر کرے گا۔
