ترال میں سی آر پی ایف کی جانب سے والی بال ٹورنامنٹ کا اہتمام

ترال:پلوامہ کے ترال علاقے میں سی آر پی ایف 180 بٹالین کی جانب سے والی بال ٹورنامنٹ کا اہتمام کیا گیا۔ اس ٹورنامنٹ میں کُل دس ٹیمیں حصہ لے رہی ہیں۔جموں و کشمیر کے ضلع پلوامہ کے ترال علاقے میں کھیل کود کو فروغ دینے کے لیے سی آر پی ایف 180 بٹالین کی جانب سے یوتھ سروسز اسپورٹس محکمہ کے باہمی اشتراک سے والی بال ٹورنامنٹ کا اہتمام کیا گیا، جس میں علاقے کی دس ٹیمیں شرکت کر رہی ہیں۔

ٹورنامنٹ کا افتتاح سی آر پی ایف کے ڈپٹی کمانڈنٹ مقصود عالم اور یوتھ سروسز و اسپورٹس عہدیداران نے ایک ساتھ کیا، اس موقع پر کھلاڑیوں نے سی آر پی ایف کے اس اقدام کو سراہتے ہوئے ایسے پروگرام مستقبل میں بھی جاری رکھنے کا مطالبہ کیا۔ڈپٹی کمانڈنٹ سی آر پی ایف 180 بٹالین مقصود عالمنے بتایا کہ یہ ٹورنامنٹ دو دن تک جاری رہے گا جس دوران کھلاڑیوں کی حوصلہ افزائی کی جائے گی، انہوں نے یوتھ سروسز و اسپورٹس کے ساتھ بوائز ہائر سیکنڈری اسکول ترال کے عملے کا شکریہ ادا کرتے ہوئے کہا کہ ان کے تعاون کے بغیر یہ پروگرام ممکن نہیں تھا۔