مانچسٹر// اضافی وقت میں لنڈا سمبرانٹے کے گول کی مدد سے سویڈن نے بیلجیئم کو 1-0 سے شکست دے کر خواتین کے یورو 2022 کے سیمی فائنل میں رسائی حاصل کی۔ جہاں ٹیم کا مقابلہ انگلینڈ سے ہوگا۔اس میچ میں سویڈن نے جارحانہ آغاز کیا۔ سویڈن کے پاس ابتدائی آغاز کا بہترین موقع تھا، چھٹے منٹ میں فلیپا اینجلڈاہل نے تقریباً گول کر دیاتھا، لیکن بیلجیئم کے گول کیپر ایورارڈ نے شاندار دفاع کیا۔بیلجیئم کو بھی پہلے ہاف میں کچھ مواقع ملے لیکن وہ اسے گول میں تبدیل نہ کرسکے۔ پہلا ہاف گول کے بغیر رہا۔دوسرے ہاف کا آغاز بھی دلچسپ رہا۔ سویڈن نے میچ کے 73ویں منٹ میں تقریباً برتری حاصل کر لی۔
اسلانی کی فری کک کو لنڈا سمبرانٹے نے ہیڈر کے ذریعے گول پوسٹ میں داخل کرنے کی کوشش کی لیکن ایورارڈ پھر ناکام رہے۔اس کے بعد اضافی وقت میں لنڈا سمبرانٹے نے بیلجیئم کے دفاع کے ذریعے گول کر کے اپنی ٹیم کو سیمی فائنل تک پہنچا دیا۔ٹورنامنٹ کے میزبان انگلینڈ کے خلاف سویڈن کا سیمی فائنل میچ 31 جولائی کو معروف ویمبلے اسٹیڈیم میں کھیلا جائے گا۔
