لندن// نیکسٹ جنریشن کپ 2022 کے دوسرے سیمی فائنل میں ٹوٹنہم ہاٹسپر نےکیرالہ بلاسٹرز ایف سی کو 7-0 سے شکست دے کر فائنل میں رسائی حاصل کر لی ۔شروع سے ہی انگلینڈ کی ٹیم نے کیرالہ بلاسٹرز ایف سی پر دباؤنانا شروع کر دیا۔ جاہزیہ لنٹن نے میچ کے 31ویں منٹ میں گول کر کے ٹوٹنہم کو 1-0 سے آگے کر دیا۔
اس کے کچھ دیر بعد جیڈن ولیمس نے گول کر کے اپنی ٹیم کی برتری 2-0 کر دی۔ ہاف ٹائم میں ٹوٹنہم کو 2-0 کی برتری حاصل تھی۔دوسرے ہاف کے آغاز میں میکس میک نائٹ نے گول کر کے ٹوٹنہم کو 3-0 کی برتری دلا دی۔ میچ کے 64ویں منٹ میں ٹام بلاکسہم نےگول کرکے اپنی ٹیم کو 4-0 سے آگے کردیا۔میچ کے 73ویں منٹ میں جارج ایبٹ نے اپنی ٹیم کے لیے پانچواں گول کیا اور اس کے فوراً بعد ولیمس نے پنالٹی پر چھٹا گول کر دیا۔
ولیمس نے کھیل کے آخری منٹوں میں اپنی ہیٹ ٹرک مکمل کرتے ہوئے ٹیم کے لیے ساتواں گول اسکور کیا اور اپنی ٹیم کو 7-0 سے فتح دلائی۔کیرالہ بلاسٹرز ایف سی اب ایونٹ کے لندن لیگ میں تیسرے مقام کے لیے کرسٹل پیلس سے مقابلہ کرے گی۔
