سوریہ کمار یادو نے انگلینڈ کے خلاف تیسرے ٹی20 میں شاندار سنچری لگائی۔ یہ ان کے کیریئر کی پہلی سنچری تھی۔ اس شاندار کارکردگی کی بدولت وہ آئی سی سی رینکنگ میں 44 مقام اوپر آگئے ہیں۔ سوریہ کمار یادونے تیسرے ٹی20 میں انگلینڈ کے خلاف سنچری اننگ کھیلی تھی۔ انہوں نے 55 گیندوں پر 117 رن بنائے تھے۔ انہیں اس شاندار کارکردگی کا انعام ملا ہے۔ وہ آئی سی سی ٹی20 کی بلے بازی کی رینکنگ میں 44 مقام اوپر آگئے ہیں۔
واضح رہے کہ ہندوستانی ٹیم نے سیریز پر 1-2 سے قبضہ کیا تھا۔ سوریہ کمار یادو کے کل 732 رینکنگ پوائنٹ ہیں۔ یہ ان کے کیریئر کا بیسٹ ہے۔ وہ نمبر-5 پر قابض ہیں۔ ان کے علاوہ دیگر کوئی ہندوستانی بلے باز ٹاپ-10 میں جگہ نہیں بناسکا ہے۔ وہیں تیز گیند باز بھونیشور کمار 7 مقام اوپر ساتویں نمبر پر ہیں۔ وہ بھی ٹاپ-10 میں قابض واحد ہندوستانی گیند باز ہیں۔ بلے بازوں میں دیگر ہندوستانی کی بات کریں تو نوجوان وکٹ کیپر بلے باز ایشان کشن 12ویں نمبر پر ہیں۔
اس کے علاوہ روہت شرما 18ویں، کے ایل راہل 19ویں، شرے یس ایئر 21ویں اور وراٹ کوہلی 25ویں مقام پر پہنچ گئے ہیں۔ پاکستان کے کپتان بابر اعظم 818 پوائنٹ کے ساتھ نمبر-1 پر بنے ہوئے ہیں۔ پاکستان کے ہی محمد رضوان دوسرے، جنوبی افریقہ کے ایڈن مارکرم تیسرے اور انگلینڈ کے ڈیوڈ ملان چوتھے نمبر پر ہیں۔ آسٹریلیا کے کپتان ایرون فنچ چھٹے، ڈیوان کانوے ساتویں، نکولس پورن 8ویں، پاتھم نسنکا 9ویں اور راسی وان ڈر ڈوسین 10ویں نمبر پر ہیں۔
بھونیشور کمار نے انگلینڈ کے خلاف ٹی20 میں شاندار کارکردگی پیش کی تھی۔ وہ 658 پوائنٹ کے ساتھ مشترکہ طور پر ساتویں نمبر پر ہیں۔ وہیں ہرشل پٹیل 10 مقام اوپر 23ویں مقام پر آگئے ہیں۔ لیگ اسپنر یجویندر چہل 19ویں اور جسپریت بمراہ 28ویں مقام پر ہیں۔ آسٹریلیا کے تیز گیند باز جوس ہیزل ووڈ 792 پوائنٹ کے ساتھ ٹاپ پر ہیں۔ انگلینڈ کے عادل راشد دوسرے، جنوبی افریقہ کے تبریز شمسی تیسرے، افغانستان کے راشد خان چوتھے اور آسٹریلیا کے ایڈم زمپا پانچویں مقام پر ہیں۔
