کولمبو: سری لنکا میں جاری شدید معاشی بحران کے پیشِ نظر آئندہ ماہ سے شروع ہونے والے ایشیا کپ کے سری لنکا سے متحدہ عرب امارات منتقل کیے جانے کا امکان ہے۔غیر ملکی خبررساں ادارے کے مطابق سری لنکا کو شدید معاشی بحران کا سامنا ہے جس کے پیشِ نظر سری لنکن کرکٹ بورڈ نے ٹورنامنٹ کو کسی اور ملک منتقل کرنے کا فیصلہ کیا ہے۔
سری لنکن بورڈ سے ایک متعلقہ شخص کا کہنا تھا کہ سری لنکن بورڈ ایشین کرکٹ کونسل سے اس معاملے پر رابطے میں ہے جلد ہی ٹورنامنٹ کے منتقل کیے جانے کا اعلان کردیا جائے گا۔ذرائع کے مطابق ایشیا کپ منتقل ہونے کی صورت میں آئندہ ماہ 27 اگست سے 11 ستمبر تک دبئی اور شارجہ میں کھیلا جائے گا۔ایشیا کپ 2022 کہاں منعقد ہوگا اس پر سسپنس بڑھتا جا رہا ہے۔ اس وقت سری لنکا کی صورتحال کو دیکھتے ہوئے ایسا نہیں لگتا کہ ایشیا کپ 2022 کا انعقاد وہاں ہوگا۔
اس صورتحال میں اس بات کا قوی امکان ہے کہ اس بار ایشیا کپ 2022 سری لنکا کے بجائے متحدہ عرب امارات میں منعقد کیا جائے گا۔کرک بز کی ایک رپورٹ کے مطابق ایشین کرکٹ کونسل (اے سی سی) کے بورڈ ممبران کے درمیان مقام کی تبدیلی کے لیے بات چیت شروع ہو گئی ہے۔ رپورٹ میں کہا گیا ہے کہ ایشین کرکٹ کونسل (اے سی سی) اور امارات کرکٹ بورڈ (ای سی بی) نے متحدہ عرب امارات میں اس پر تبادلہ خیال کیا اور سری لنکا کرکٹ (ایس ایل سی) کو بھی لوپ میں رکھا گیا۔
اس گفتگو میں اس 6 ملکی ٹورنامنٹ کو یو اے ای منتقل کرنے کی بات ہوئی۔1948 میں اپنی آزادی کے بعد پہلی بار سری لنکا کو اس وقت انتہائی برے معاشی اور سیاسی بحران کا سامنا ہے۔ اگرچہ سری لنکا نے آسٹریلیا کے خلاف اپنے گھر میں کھیلی گئی کرکٹ سیریز بہت کامیاب رہی اور ساتھ ہی وہ پاکستان کی میزبانی کر رہا ہے۔ ایسے میں ایشیا کپ کے انعقاد کے لیے سب کچھ ٹھیک لگ رہا تھا لیکن گزشتہ 10 دنوں سے حالات بہت تیزی سے بگڑ رہے ہیں۔سری لنکا میں جس طرح سے حالات بدلے ہیں، اس کے بعد اے سی سی کے ایک رکن نے کہا کہ اس صورتحال میں یہاں ایشیا کپ کا انعقاد مناسب نہیں ہے۔
یہی نہیں سری لنکا کرکٹ کے ایک آفیشل بھی یہی مانتے ہیں اور کہتے ہیں کہ اب اس جگہ کی تبدیلی کے لیے ضروری اقدامات کیے جا رہے ہیں۔ دوسری جانب پی سی بی کا کہنا ہے کہ اس کی ترجیح اس موجودہ صورتحال میں سری لنکا کو سپورٹ کرنا ہے کیونکہ ایشیا کپ کو ملک سے منتقل کرنے سے کرکٹ کو بھاری نقصان اور مالی نقصان ہو سکتا ہے۔ آپ کو بتاتے چلیں کہ یہ ٹورنامنٹ 26 اگست سے 11 ستمبر تک منعقد ہونا ہے۔ ایسی صورتحال میں اسے کہاں منظم کیا جائے گا اس کا حتمی فیصلہ اے سی سی جلد ہی لے سکتا ہے۔
