نئی دہلی//ہندوستان نے انگلینڈ کو ون ڈے سیریز میں 2-1 سے شکست دی تھی۔ آخری ون ڈے میں ٹیم انڈیا نے پانچ وکٹوں سے کامیابی حاصل کی تھی۔ ہندوستان کی جانب سے رشبھ پنت نے شاندار سنچری لگائی۔ وہیں ہاردک پانڈیا کی آل راؤنڈ کارکردگی نے مداحوں کا دل جیت لیا۔ اس جیت کے ساتھ ہی ہندوستان نے کئی ریکارڈ بھی اپنے نام کر لیے۔ٹیم انڈیا 2015 کے بعد سے گزشتہ آٹھ سالوں میں انگلینڈ کی واحد دوسری ٹیم ہے جس نے دو طرفہ ون ڈے سیریز جیتی ہے۔ اس دوران انگلینڈ نے سات ٹیموں کیخلاف 15 دو طرفہ ون ڈے سیریز کھیلی ہے۔
ہندوستان کے علاوہ آسٹریلیا نے 2015 میں انگلینڈ کو 3-2 اور 2020 میں 2-1 سے شکست دی تھی۔ہندوستانی ٹیم نے انگلینڈ کے خلاف 2015 کے ون ڈے ورلڈ کپ کے بعد سے آٹھ وائٹ بال سیریز (ODI اور T20) کھیلی ہے۔ اس میں سے ٹیم انڈیا نے سات سیریز جیتی ہیں۔ صرف 2018 میں انگلینڈ نے بھارت کو ہوم ون ڈے سیریز میں 2-1 سے شکست دی تھی۔ باقی سات سیریز بھارت نے اپنے گھر اور انگلینڈ میں اپنے گھر پر جیتی ہیں۔ہندوستان نے اب تک انگلینڈ کیخلاف ون ڈے میں 11 سیریز جیتی ہیں۔ تاہم یہ انگلینڈ کی سرزمین پر ٹیم انڈیا کی چوتھی ون ڈے سیریز جیت ہے۔
اس میں 1986 میں 1-1 کا ڈرا بھی شامل تھا، جس میں ہندوستان کو فاتح قرار دیا گیا تھا۔ ہندوستانی ٹیم آٹھ سال بعد انگلینڈ میں ون ڈے سیریز جیتنے میں کامیاب ہوئی۔ آخری بار ٹیم انڈیا نے 2014 میں انگلینڈ میں ون ڈے سیریز 3-1 سے جیتی تھی۔ٹیم انڈیا نے روہت شرما کی کپتانی میں تینوں فارمیٹس کو ملا کر لگاتار ساتویں سیریز جیت لی ہے۔
اس دوران ہندوستان نے ہوم ٹی 20 سیریز میں نیوزی لینڈ کو، پھر ویسٹ انڈیز کو ٹی 20 اور ون ڈے سیریز میں، سری لنکا کو ٹیسٹ اور T20 سیریز میں اور پھر انگلینڈ کو T20 اور ون ڈے سیریز میں شکست دی۔ میچ میں بیٹنگ کرتے ہوئے انگلینڈ کی ٹیم 45.5 اوورز میں 259 رنز پر ڈھیر ہوگئی۔ جواب میں بھارت نے ایک موقع پر 72 رنز پر چار وکٹیں گنوا دی تھیں۔ اس کے بعد ہاردک پانڈیا اور رشبھ پنت نے پانچویں وکٹ کے لیے 133 رنز کی شراکت قائم کی۔ ہاردک پانڈیا نے 55 گیندوں میں 71 رنز بنائے۔ اس کے ساتھ ہی رشبھ پنت 113 گیندوں پر 125 رنز بنا کر ناٹ آؤٹ رہے۔ بھارت نے 260 رنز کا ہدف 43ویں اوور میں حاصل کر لیا۔
