نئی دہلی//کیرالا میں میڈیکل کے داخلے کے امتحان neet میں شرکت کرنے والی لڑکیوں کو تلخ تجربہ ہوا۔ امتحانی مرکز پر میٹل ڈیٹیکٹر کے ذریعہ امیدواروں کو چیک کرنے والے عملہ نے لڑکیوں کو زیر جامہ نکال کر امتحان لکھنے کی ہدایت دی۔ کیونکہ میٹل ڈیٹیکٹر سے چیک کرتے وقت ان کے زیر جامہ کے ہک سے بیپ کی آواز سنائی دی ۔جس پر لڑکیوں کو اندر کے کپڑے اتار کر امتحان لکھنے پر مجبور کیا ۔
یہ معاملہ اس وقت سامنے آیا جب ایک لڑکی کے والد نے پولیس میں شکایت درج کرائی۔ یہ واقعہ کیرالہ کے کولم سٹی کے این ای ای ٹی سنٹر میں پیش آیا۔انہوں نے اپنی شکایت میں کہا کہ ان کی بیٹی کو زیر جامہ اتار کر امتحان لکھنا پڑا کیونکہ اسے کہا گیا تھا کہ وہ اپنے زیر جامہ اتار کر امتحان ہال میں داخل ہو، ورنہ اسے اجازت نہیں دی جائے گی۔
لا محال امتحان لکھنے سے محروم ہونے کے خوف سے ان کی لڑکی کو ایسا کرنا پڑا۔یہ واقعہ مارتھوما انسٹی ٹیوٹ آف انفارمیشن ٹیکنالوجی میں پیش آیا۔ تاہم کالج انتظامیہ نے کہا کہ انہیں اس کے لیے ذمہ دار نہیں ٹھہرایا جا سکتا۔ دریں اثنا، پولیس نے تصدیق کی کہ متاثرہ لڑکی کے والدین نے زیر جامہ اتارنے کے واقعہ کی شکایت کی تھی۔
کئی لڑکیوں نے اپنے زیر جامہ اتار کر سٹور روم میں پھینک دیالڑکی کے والد نے بتایا کہ امیدواروں کو امتحان لکھنے کے دوران ذہنی طور پر کافی پریشانی کا سامنا کرنا پڑا۔ اس واقعہ پر ہر گوشے سے تنقید ہورہی ہے۔
