اسلام آباد// پاکستان کے صوبہ پنجاب میں 20 نشستوں پر ہوئے ضمنی انتخابات میں سابق وزیر اعظم عمران خان کی پاکستان تحریک انصاف (پی ٹی آئی) کی شاندار جیت کے ایک بعد پارٹی نے چودھری پرویز الٰہی کو پنجاب کے وزیر اعلیٰ کے عہدے کے لیے اپنا امیدوار نامزد کیا ہے۔چودھری پرویز الٰہی کو وزیراعلیٰ نامزد کرنے کا فیصلہ پی ٹی آئی کے صدر عمران خان کی زیر صدارت کور کمیٹی کے اجلاس میں کیا گیا۔
ضمنی انتخاب کے نتائج نے صوبہ پنجاب کے سیاسی منظرنامہ بدل کر رکھ دیا ہے۔پی ٹی آئی نے 15 نشستیں حاصل کی ہیں۔ پاکستان مسلم لیگ (ن) کی چار اور آزادا میدوار کی ایک نشست پرجیت ہوئی ہے۔ سابق وزیر اعظم اور پاکستان تحریک انصاف (پی ٹی آئی) کے چیئرمین نے اتحادی حکومت پرہر وہ چال اپنانے کا الزام عائد کیا جس سے وہ (پی ٹی آئی) الیکشن ہار جاتی۔عمران خان نے کہا کہ عدالت عظمیٰ نے یکم جولائی کے اپنے حکم میں حکومت کو اپنی مشینری استعمال نہ کرنے کا حکم دیا تھا لیکن مسلم لیگ (ن )نے حکم کی خلاف ورزی کی۔
