میلبورن//اگست اور ستمبر میں آسٹریلیا میں زمبابوے اور نیوزی لینڈ کے خلاف ون ڈے سیریز کے لیے ٹیسٹ کپتان پیٹ کمنز کو آرام دیا جائے گا اور لیگ اسپنر ایڈم جمپاپیٹرنٹی چھٹی کے بعد ٹیم میں واپسی کریں گے۔ آسٹریلیا زمبابوے کے خلاف تین ون ڈے میچز 28 اگست، 31 اگست اور 3 ستمبر کو ٹاؤنز ول میں کھیلے گا۔ اس کے بعد وہ نیوزی لینڈ کے خلاف تین ون ڈے میچز 6، 8 اور 11 ستمبر کو کیرنز میں کھیلے گی۔
جمپا نے اپنے پہلے بچے کی پیدائش کے لیے سری لنکا کے دورے میں حصہ نہیں لیا تھا۔ دوسری جانب ایشٹن ایگر سری لنکا میں سائیڈ اسٹرین کے باعث آخری چار ون ڈے میچز سے باہر ہونے کے بعد ٹیم میں واپسی کریں گے۔ کمنز نے سری لنکا میں ٹی ٹوئنٹی سیریز میں آرام کے بعد پانچ میں سے چار ون ڈے کھیلے تھے۔ سلیکٹرز کی سوچ یہ ہے کہ انہیں ایک مصروف بین الاقوامی شیڈول میں تازہ دم رکھنے کے لیے آرام ملے۔
ان دو سیریز کے بعد آسٹریلیا ٹی ٹوئنٹی ورلڈ کپ کی میزبانی کرے گا اور پھر ویسٹ انڈیز اور جنوبی افریقہ کے خلاف گھر پر پانچ ٹیسٹ کھیلے گا۔ اس کے بعد اگلے سال ہندوستان میں چار ٹیسٹ میچوں کا ایک چیلنجنگ دورہ بھی ہوگا۔شان ایبٹ بھی کولمبو میں ٹی ٹوئنٹی سیریز سے قبل انگلی کی انجری کا شکار ہونے کے بعد وائٹ بال ٹیم میں واپسی کریں گے۔
بولنگ کوچ ڈینیئل ویٹوری دونوں سیریز میں موجود نہیں رہیں گے۔ ان کا برمنگھم فینکس کے ساتھ معاہدے ہے اور وہ اس دوران مقابلے میں مصروف رہیں گے۔آسٹریلیا کی ٹیم : ایرون فنچ (کپتان)، ڈیوڈ وارنر، اسٹیون اسمتھ، مارنس لیبوشین، گلین میکسویل، ایلکس کیری، مچل مارش، مارکس اسٹوئنس، کیمرون گرین، ایشٹن ایگر، ایڈم جمپا، شان ایبٹ، جوش ہیزل ووڈ، مشل اسٹارک۔
