اوریگون// ہندوستانی جیولن تھروور انو رانی جمعرات کے روز اوریگون میں اپنی آخری کوشش میں 59.60 میٹر کی تھرو کے ساتھ مسلسلدوسری بار عالمی ایتھلیٹکس چیمپئن شپ کے فائنل میں جگہ بنانے والی پہلی ہندوستانی کھلاڑی بن گئیں۔رانی نے گروپ بی میں کوالیفکیشن راؤنڈ کا آغاز خرا ب طریقے سے کیا لیکن بعد میں انہوں نے 55.35 میٹر جیولن پھینکا۔ اس کے بعد وہ 59.60 میٹر کی تھرو کے ساتھ فائنل میں داخل ہوئیں۔
رانی 22 جولائی کو فائنل کھیلیں گی۔سائی میڈیا نے ٹویٹ کیا،”ایتھلیٹکس اپڈیٹ – انو نے جیولن ورلڈ چیمپئن شپ میں اپنے مسلسل دوسرے جیولن تھرو فائنل کے لیے کوالیفائی کیا۔ ان کا بہترین تھرو 59.60 میٹر ہے، جو اوریگون ورلڈ کپ میں ان کی تیسری کوشش میں آیا۔ آل دی بیسٹ انو رانی“۔
صرف تین کھلاڑی اوریگون میں 62.50 میٹر کے خودکار کوالیفائنگ نشان کو توڑ کر فائنل کے لیے کوالیفائی کر سکے۔جاپان کی ہاروکا کیتاگوچی کوالیفکیشن راؤنڈ میں 64.32 میٹر کے تھرو کے ساتھ چارٹ میں سرفہرست رہیں، جبکہ چین کی شیینگ لیو 63.86 میٹر کے تھرو کے ساتھ دوسرے نمبر پر رہیں۔ آخر میں، لتھوانیا کی لیوٹا جسونائٹ63.80میٹر کی تھرو کے ساتھ تیسرے نمبر پر رہیں۔
