تائپے //ہندوستان کی پانچویں سیڈڈ مکسڈ ڈبلز جوڑی ایشان بھٹناگر اور تنیشا کرسٹو جمعرات کو جاری تائپے اوپن 2022 کے کوارٹر فائنل میں پہنچ گئیں۔ ہندوستانی جوڑی نے پری کوارٹر فائنل میں چینگ کائی وین اور وانگ یو کیاو کو شکست دی۔ہندوستانی جوڑی نے مکسڈ ڈبلز میچ میں چینگ کائی وین اور وانگ یو کیو کو 21-14، 21-17 کے بڑے فرق سے شکست دی۔
دریں اثنا تیسری سیڈ پاروپلی کشیپ نے بھی لی چیا ہاؤ کو 21-10، 21-19 سے شکست دے کر تائپے اوپن کے کوارٹر فائنل میں جگہ بنالی۔کورٹ 4 پر کھیلتے ہوئے ، ہندوستانی شٹلر نے اپنے کھیل کا آغاز نمایاں طور پر کیا۔ کشیپ نے اپنی تیز چالوں اور جارحانہ شاٹس کے ساتھ چیا ہاو کے خلاف پہلا گیم 21-10 کے بڑے فرق سے جیتا۔
دوسرے گیم میں بھی انہوں نے اپنا تسلط برقرار رکھا اور اپنے حریف کو واپسی کا کوئی موقع نہیں دیا۔ انہوں نے دوسرا گیم 21-19 سے جیت کر میچ جیت لیا۔ میچ 37 منٹ تک جاری رہا۔دریں اثنا ہندوستان کی سامعہ عماد فاروقی تائپے اوپن 2022 کے دوسرے راو¿نڈ میں چائنیز تائپے کی وین چی سو سے 18-21، 13-21 سے ہار کر مقابلے سے باہر ہو گئیں۔
