لاہور// پاکستان کرکٹ ٹیم کے کپتان بابر اعظم نے کہا ہے کہ سری لنکا کا دورہ بہت اہم نوعیت کا حامل ہے ، کنڈیشن کے حساب سے ہماری مکمل تیاری ہے ،ٹیسٹ میچ میں صورتحال کے حساب سے کھیلنا پڑتا ہے، ٹیم میں تمام کھلاڑی اچھا پرفارم کر رہے ہیں ، غلطیوں سے سیکھتے ہیں ، اس سے ہمیں بہت مدد ملتی ہے ۔ لاہور میں پریس کانفرنس کرتے ہوئے قومی ٹیم کے کپتان بابر اعظم نے کہا کہ سری لنکن کنڈیشنز میں اسپنرز اہم کردار ادا کریں گے
۔ٹیسٹ میچ میں بھی ٹیم بہتر پرفارمنس کا مظاہرہ کر رہی ہے ۔ پاکستانی ٹیم کی دنیا میں بہتر پرفارمنس پر ہمیں خوش ہونا چاہیے ۔ انہوں نے مزید کہا کہ ٹیسٹ میچ میں صورتحال کے حساب سے کھیلنا پڑتا ہے ۔ ٹیم میں تمام کھلاڑی اچھا پرفارم کر رہے ہیں ، غلطیوں سے سیکھتے ہیں ، اس سے ہمیں بہت مدد ملتی ہے ۔پاکستانی کرکٹ ٹیم کے کپتان بابر اعظم نے کہاکہ سری لنکا کا دورہ 2015 کے بعد کر رہے ہیں، تمام کھلاڑی پرجوش ہیں۔انہوں نے کہا کہ یاسر شاہ واپس آئے ہیں، جس سے سری لنکا میں اسپنرز کو مدد ملے گی۔ انہوں نے کہا کہ ہم سری لنکا کی کنڈیشنز کے لیے تیار ہیں،
فاسٹ بولرز پر بھی اعتماد ہے، وہ بھی ہر کنڈیشن میں اچھا پرفارم کر سکتے ہیں۔ ان کا کہنا ہے کہ سری لنکا کے خلاف ٹیسٹ سیریز سے قبل ہمارے پاس کافی وقت تھا، اس سیریز کے پوائنٹس اہم ہیں، ہوم سیریز میں ہر ٹیم مضبوط ہوتی ہے، اسے فائدہ ہوتا ہے۔انہوںنے کہا کہ ٹیسٹ میں ایڈجسٹ ہونے میں وقت لگتا ہے، ہم ٹیسٹ کرکٹ میں بھی ٹریک پر آ رہے ہیں۔ بابر اعظم کا یہ بھی کہنا ہے کہ شعیب اختر نے کیمپ آکر فاسٹ بولرز کی بہت حوصلہ افزائی کی۔ بابر اعظم نے کہا کہ ہر میچ میں کوشش ہوتی ہے ٹارگٹ کو حاصل کیا جائے ۔ حالات جیسے بھی ہوں ہمیں پازیٹو سوچ کے ساتھ میچ کھیلنا ہے ۔ انہوں نے کہا کہ سیریز میں اپ اینڈ ڈائون ہوتا ہے ، پرفارمنس سے بہتر کرنے کی کوشش کرتے ہیں ۔ بیٹسمین اچھی فارم میں ہیں ، بہترین کھیل کا مظاہرین کریں گے ۔
