واشنگٹن، 16 جولائی ۔ ایم این این ۔ امریکہ نے تائیوان کو 108 ملین امریکی ڈالر مالیت کی فوجی تکنیکی امداد کی ممکنہ فروخت کی منظوری دے دی ہے۔ پینٹاگون نے جمعہ کو اعلان کیا۔ امریکی محکمہ دفاع نے کہا کہ یہ مجوزہ فروخت تائیوان کی اپنی مسلح افواج کو جدید بنانے اور قابل اعتماد دفاعی صلاحیت کو برقرار رکھنے کی مسلسل کوششوں کی حمایت کرتے ہوئے امریکہ کے قومی، اقتصادی اور سلامتی کے مفادات کو پورا کرتی ہے۔
محکمہ خارجہ نے امریکہ میں تائی پے کے اقتصادی اور ثقافتی نمائندے کے دفتر کو بلینکیٹ آرڈر کنٹریکٹر ٹیکنیکل اسسٹنس سپورٹ اور متعلقہ آلات کی ممکنہ غیر ملکی فوجی فروخت کی منظوری دینے کا فیصلہ کیا ہے جس کی تخمینہ لاگت 108 ملین امریکی ڈالرہے۔ یو ایس ڈیفنس سیکیورٹی کوآپریشن ایجنسی نے ایک بیان میں کہا کہ کوآپریشن ایجنسی نے آج اس ممکنہ فروخت کے بارے میں کانگریس کو مطلع کرتے ہوئے مطلوبہ سرٹیفیکیشن فراہم کر دیا۔
پینٹاگون کے مطابق اس مجوزہ فروخت سے وصول کنندہ کی سلامتی کو بہتر بنانے میں مدد ملے گی اور خطے میں سیاسی استحکام، فوجی توازن، اقتصادی اور ترقی کو برقرار رکھنے میں مدد ملے گی۔ بیان کے مطابق مجوزہ فروخت وصول کنندہ کی گاڑیوں، چھوٹے ہتھیاروں، جنگی ہتھیاروں کے نظام اور لاجسٹک سپورٹ آئٹمز کو برقرار رکھنے میں مدد دے گی، جس سے اس کی موجودہ اور مستقبل کے خطرات سے نمٹنے کی صلاحیت میں اضافہ ہوگا۔ جبکہ امریکہ اور دیگر اتحادیوں کے ساتھ انٹرآپریبلٹی کو مزید بڑھایا جائے گا۔
