لندن// لنکا شائر کاونٹی کرکٹ کلب نے انگلش تیز گیندباز ثاقب محمود کے ساتھ معاہدے میں دو سال کی توسیع کر دی ہے۔ کلب کے ساتھ محمود کا موجودہ معاہدہ سیزن کے اختتام پر ختم ہونے والا تھا۔ اب وہ 2024 کے سیزن کے اختتام تک کلب میں رہیں گے۔
میٹ پارکنسن اور جوش بوہنین کے ساتھ لنکاشائر کرکٹ اکیڈمی کے گریجویٹ محمود نے تمام ٹورنامنٹس میں کلب کے لیے 65 میچز کھیلے ہیں۔ لنکا شائر کے لیے فرسٹ کلاس کرکٹ میں انہوں نے 26 کی اوسط سے 71 وکٹیں حاصل کیں جب کہ ٹی ۔20 بلاسٹ میں محمود نے 20 میچوں میں 15 کے اسٹرائیک ریٹ کے ساتھ 28 وکٹیں حاصل کیں۔فاسٹ باولر محمود تینوں فارمیٹس میں انگلینڈ کے لیے کھیل چکے ہیں اور 2022 کے اوائل میں کیریبین میں ٹیسٹ ڈیبیو کرتے ہوئے دو میچوں میں چھ وکٹیں حاصل کر چکے ہیں
۔ 25 سالہ محمود انگلینڈ کے لیے کل 21 بین الاقوامی میچ کھیل چکے ہیں۔لنکا شائر کرکٹ کے ساتھ اپنے نئے معاہدے پر دستخط کرنے کے بعد، محمود نے کہا:”میں کلب کے لیے اپنا مستقبل پیش کرنے کے قابل ہونے پر واقعی خوش ہوں، جنہوں نے مجھ پر عمر کے گروپ کرکٹ میں میرے دنوں سے لے کر اب تک فرسٹ ٹیم سطح پر اعتمادظاہر کیا ہے“۔انہوں نے کہا”میری پیٹھ میں اسٹریس فریکچر کے بعد سے کچھ مہینے مشکل رہے، لیکن لنکاشائر کرکٹ اور خاص طور پر ہمارے میڈیکل ڈیپارٹمنٹ کی مدد نے میری صحت یابی میں بہت بڑا کردار ادا کیا ہے۔
میں اب جلد از جلد مکمل فٹ ہونے اور کلب کو اگلے چند سالوں اور اس سے آگے کے عزائم کو پورا کرنے میں مدد کرنے کی امید کر رہاہوں“۔کرکٹ پرفارمنس کے ڈائریکٹر مارک چلٹن نے کہا”ثاقب ایک انتہائی باصلاحیت تیز گیندباز ہیں اور ہمیں خوشی ہے کہ اس نے کلب سے اپنا مستقبل وابستہ کر لیا ہے۔ ہمارے اکیڈمی سسٹم کے ذریعے گریجویشن کرنے کے بعد، ثاقب اب ایک دہائی سے ہمارے ساتھ ہے، اور ہم کلب میں ایک گھریلو صلاحیت کو برقرار رکھنے کے قابل ہونے کے لئے واقعی خوش ہیں“۔
