گالے// پاکستان کرکٹ ٹیم کے کپتان بابر اعظم نے منگل کو ٹیسٹ کرکٹ میں تین ہزار رنز مکمل کر لیے ہیں۔ اعظم نے یہ کارنامہ سری لنکا کے خلاف گال میں کھیلے جانے والے پہلے ٹیسٹ کے دوران انجام دیا۔اعظم نے میچ میں 104 گیندوں پر 55 رنز بنائے، جو ٹیسٹ میں ان کی 22 ویں ففٹی ہے۔
انہیں اسپنر پربھات جے سوریا نے بولڈ کرکے پویلین بھیج دیا۔اعظم نے اب تک اپنی 73واں ٹیسٹ اننگز میں 47.26 کی اوسط سے مجموعی طور پر 3,025 رنز بنائے ہیں۔ کھیل کے طویل ترین فارمیٹ میں ان کے نام 7 سنچریاں اور 22 نصف سنچریاں ہیں۔میچ کی بات کریں تو پاکستانی ٹیم نے اس میچ میں 342 رنز کے ہدف کا تعاقب کرتے ہوئے خبر لکھنے کے پانچویں دن 3 وکٹوں پر 275 رنز بنا لیے تھے۔ محمد رضوان 39 اور عبداللہ شفیق 129 رنز بنا کر ناٹ آؤٹ ہیں۔
پاکستان اب فتح سے 67 رنز دور ہے۔سری لنکا نے پہلے بیٹنگ کرتے ہوئے اپنی پہلی اننگز میں 222 رنز بنائے جس کے جواب میں پاکستان نے اپنی پہلی اننگز میں 218 رنز بنائے اور سری لنکا کو چار رنز کی برتری حاصل ہوگئی۔ جواب میں سری لنکا نے اپنی دوسری اننگز میں 337 رنز بنائے اور پاکستان کو جیت کے لیے 342 رنز کا ہدف دیا۔
