لندن//بنگلوروایف سی اورکیرلا بلاسٹرس ایف سی، ریزرو اسکواڈ پریمیئر لیگ کے ذریعہ منعقد نیکسٹ جنریشن کپ 2022 میں شرکت کے لیے برطانیہ پہنچ گئے ہیں۔یہ ٹورنامنٹ پریمیئر لیگ اور فٹ بال اسپورٹس ڈیولپمنٹ لمیٹڈ (ایف ایس ڈی ایل) کے درمیان ایک دیرینہ شراکت کا حصہ ہے تاکہ ہندوستان میں فٹ بال کی ترقی کو سپورٹ کیا جا سکے۔
ان دو انڈین سپر لیگ (آئی ایس ایل) کلبوں کی نوجوان ٹیموں نے اس سال کے شروع میں منعقدہ ریلائنس فاؤنڈیشن ڈیولپمنٹ لیگ (آر ایف ڈی ایل) میں ٹاپ دو میں رہنے کی بنیاد پر بین الاقوامی ٹورنامنٹ میں حصہ لینے کے لیے کوالیفائی کیا۔آٹھ ٹیموں کے نیکسٹ جنریشن کپ میں پریمیئر لیگ کلبوں کی پانچ ٹیمیں ، جنوبی افریقہ کی ایک اکیڈمی اور بنگلورو ایف سی اور کیرالہ بلاسٹرز ایف سی کی ٹیمیں حصہ لیں گی۔
ٹیموں کو دو گروپس میں تقسیم کیا جائے گا اور ان کا پہلا میچ 27 جولائی کو کھیلا جائے گا۔پریمیئر لیگ کے چیف ایگزیکٹیو رچرڈ ماسٹرز نے ایک بیان میں کہا ’ پریمیئر لیگ اور ہمارے کلب بنگلورو ایف سی اور کیرالہ بلاسٹرز ایف سی کے کھلاڑیوں کا استقبال کرنے کے منتظر ہیں ، جو کہ برطانیہ میںیوتھ ڈیولپمنٹ ٹورنامنٹ منعقد کیا گیا ہے۔انہوں نے مزید کہا کہ یہ ایونٹ انڈین سپر لیگ (آئی ایس ایل) کے ساتھ ہمارے مسلسل کام پر مبنی ہے تاکہ ہندوستان میں فٹ بال کی ترقی میں مدد ملے۔
یہ لیگ کے نوجوان کھلاڑیوں کے لیے ایک دوسرے سے ملنے اور مقابلہ کرنے کا ایک بہترین موقع بھی ہے۔’ٹورنامنٹ کے دوران ، پریمیئر لیگ اور اس کے کلب آئی ایس ایل کلبوں کی بہترین مدد کے لیے نالج شیئرنگ ورکشاپس بھی فراہم کریں گے۔ اس کے علاوہ اس ٹورنامنٹ کے ذریعے نوجوان ہندوستانی فٹبالرز کو بھی برطانیہ میں کھیلنے کا تجربہ حاصل ہوگا۔
