اوریگون// ہندوستانی ایتھلیٹ اویناش سیبلے منگل کے روز اوریگون میں منعقدہ ورلڈ ایتھلیٹکس چمپئن شپ میں مردوں کے 3000 میٹر اسٹیپل چیز ایونٹ کے فائنل میں 11ویں نمبر پر رہے۔وہ 8:31.75 سیکنڈ کے وقت کے ساتھ 11 ویں نمبر پر رہے۔ اس فہرست میں مراکش کے صوفیان الباکلی سرفہرست رہے جبکہ ایتھوپیا کے لامیچا گرما دوسرے نمبر پر رہے۔ کینیا کے کونسسلس کیپروٹو نے تیسری پوزیشن حاصل کی۔یہ عالمی ایتھلیٹکس چیمپئن شپ میں سیبل کا لگاتار دوسرا فائنل تھا۔
انہوں نے اپنی ہیٹ میں 8:18.75 کا وقت لیاتھا، جس نے انہیں 15 ایتھلیٹس کے فائنل میں جگہ ملی۔سائی میڈیا نے ٹویٹ کیا،” 18 ویں ورلڈ ایتھلیٹکس چیمپئن شپ 2022، اوریگون اپڈیٹس: اویناش مردوں کے 3000 میٹر اسٹیپل چیس فائنل میں 8:31.75 کے وقت کے ساتھ 11 ویں نمبر پر رہے، شاندار کوشش“۔اویناش مردوں کی 3000 میٹر اسٹیپل چیز میں ہندوستان کے لیے قومی ریکارڈ ہولڈر ہیں۔
ان کا تازہ ترین ریکارڈ جون میں رباط میں بین الاقوامی ایونٹ کے دوران آیا، جہاں انہوں نے 8:12.48 کا وقتلیا اور پانچویں نمبر پر رہے۔ تاہم فائنل میں انہیں پوڈیم میں جگہ نہیں ملی۔اویناش ٹخنے کی چوٹ کی وجہ سے ایشین گیمس 2018 کے لیے کوالیفائی نہیں کر سکے تھے۔ بعد میں انہوں نے بھونیشور، اڈیشہ میں منعقدہ 2018 نیشنل اوپن چیمپئن شپ میں گوپال سینی کا 8:30.88 کا 37 سالہ پرانا قومی ریکارڈ 8:29.80 کے وقت کے ساتھ توڑ دیا۔
اس کے بعد انہوں نے مارچ 2019 میں پٹیالہ میں فیڈریشن کپ میں 8:28.94 کے وقت کے ساتھ ایک اور نیا قومی ریکارڈ قائم کیا۔ اس کے ساتھ، انہوں نے 2019 ایشین ایتھلیٹکس چیمپئن شپ اور 2019 کی عالمی ایتھلیٹکس چیمپئن شپ کے لیے کوالیفائی کیا۔انہوں نے دوحہ میں 2019 ایشین ایتھلیٹکس چیمپئن شپ میں اپنے پہلے بین الاقوامی مقابلے میں 8:30.19 کے وقت کے ساتھ چاندی کا تمغہ جیتا تھا۔ انہوں ورلڈ چیمپئن شپ میں ہیٹس میں 8:25.23 دوڑ کر اپنا ہی قومی ریکارڈ توڑا۔
