محکمہ زراعت ، اسپائس بورڈ آف انڈیا نے ” خرید فروشوں کی میٹنگ “ کا انعقاد کیا
سرینگر 17 اکتوبر /محکمہ زراعت کشمیر نے اسپائس بورڈ آف انڈیا کے تعاون سے زرعی کمپلیکس لال منڈی سرینگر میں جی آئی ٹیگ والے کشمیری زعفران کی دستیاب مارکیٹ ویلیو چین کے چیلنجوں پر خریدار فروخت کنندگان کے ساتھ ایک جامع بحث کا اہتمام کیا ۔ ایڈیشنل چیف سیکرٹری محکمہ زراعت پیداوار اتل ڈولو نے تقریب کا افتتاح کیا ۔ میٹنگ سے خطاب کرتے ہوئے اتل ڈولو نے کہا کہ کشمیر زعفران کی جی آئی ٹیگنگ کے بعد اس کی پیداوار کو بہتر معاشی منافع مل رہا ہے جس کے نتیجے میں زعفران کے کاشتکاروں کی سماجی و اقتصادی تبدیلی آئی ہے ۔ انہوں نے مزید کہا کہ انڈیا انٹر نیشنل کشمیر سیفران ٹریڈ سنٹر ( آئی آئی کے ایس ٹی سی ) میں زعفران کے کاشتکاروں کیلئے آن لائن ٹریڈنگ کی سہولتیں بھی بین الاقوامی سطح پر نئی منڈیوں تک کشمیر زعفران کی وسیع رسائی میں مدد کر رہی ہیں ۔ انہوں نے زور دے کر کہا کہ اس آن لائن تجارت کی سہولت کی وجہ سے بین الاقوامی خریدار کشمیر کا زعفران لے رہے ہیں ۔ اتل ڈولو نے کہا کہ کشمیر کے زعفران کا معیار اسپین اور ایران جیسے دیگر ممالک کے زعفران کے معیار سے بہتر ہے ۔ انہوں نے تمام اسٹیک ہولڈرز سے کہا کہ وہ اس بات کو یقینی بنانے کے لئے سخت محنت کریں کہ کشمیری زعفران کے اس اعلیٰ معیار کے فوائد متعلقہ کسانوں تک پہنچیں ۔ ایڈیشنل چیف سیکرٹری نے اسپائس بورڈ آف انڈیا کے متعلقہ افسران سے کہا کہ وہ کشمیر زعفران کے حوالے سے بین الاقوامی خریداروں کے ساتھ ورچول میٹنگز کا اہتمام کریں تا کہ انہیں یہ بتایا جا سکے کہ جموں و کشمیر حکومت ان کی مخصوص ضروریات کو پورا کرنے کیلئے پوری طرح تیار ہے ۔ انہوں نے کہا کہ آنے والے دنوں میں ہماری پیداوار برآمد اور خریدار پر مبنی ہو گی اور ضرورت پڑنے پر ہمیں اپنی مصنوعات کی تمام تر بہتری کیلئے تمام اقدامات اٹھانے چاہئیں ۔ ڈائریکٹر زراعت کشمیر چوہدری محمد اقبال نے زعفران کے فروغ اور اس کی ماکیٹنگ کیلئے محکمہ کی جانب سے کئے جانے والے مختلف اقدامات کا ذکر کیا ۔ قبل ازیں ڈائریکٹر مارکیٹنگ اسپائس بورڈ آف انڈیا بی این جھا نے زعفران کے فروغ اور مارکیٹنگ کیلئے بورڈ کے ذریعے اٹھائے جانے والے مختلف اقدامات کے بارے میں تفصیلی پریذٹیشن دی ۔ بعد ازاں جی آئی ٹیگ شدہ کشمیر سیفرون کی دستیاب مارکیٹ چین کے چیلنجز پر تھریڈ بئیر بحث ہوئی جس میں اسٹیک ہولڈرز نے اپنے قیمتی نکات پیش کئے ۔ میٹنگ میں دیگر کے علاوہ جوائینٹ ڈائریکٹر زراعت توسیع محمد سید پیر ، چیف ایگریکلچر آفیسر سرینگر محمد یونس چوہدری ، کنسلٹنٹ سپائس بورڈ، سیکٹرل ہیڈز ، سینئر افسران ، ایف پی اوز ، سیلرز اور خریداروں نے شرکت کی ۔
محکمہ زراعت ، اسپائس بورڈ آف انڈیا نے ” خرید فروشوں کی میٹنگ “ کا انعقاد کیا
