جموں کشمیر میں سڑک کے رابطے بہتر بنائے جارہے ہیں
پردھان منتری گرام سڑک یوجنا مرحلہ سوم کے تھت جموں کشمیر میں 1276کلو میٹر سڑک کی تعمیر کو منظوری
سرینگر 25اکتوبرسی این آئیجموں کشمیر میں سڑک رابطے مزید بہتر بنانے کی ایک کڑی کے بطور مرکزی سرکار نے پردھان منتری گرام سڑک یوجنا مرحلہ سوم کے تھت جموں کشمیر میں 1276کلو میٹر سڑک کی تعمیر کو منظوری دی ہے ۔ اس سڑک کو 1357کروڑ روپے کی لاگت سے تعمیر کیا جارہا ہے ۔ مرکزی سرکار کے اس اقدام کی سراہنا کرتے ہوئے جموں کشمیر کے لیفٹیننٹ گورنر منوج سنہا نے وزیر اعظم نریندر مودی اور مرکزی وزیر گری راج سنگھ کا شکریہ اداکرتے ہوئے کہا کہ اس پروجیکٹ سے جموں کشمیر کی ترقی کا ایک اور سنگ میل طے ہوگا۔ لیفٹیننٹ گورنر نے مزید کہا کہ اس پروجیکٹ سے دیہی علاقوں کا رابطہ بہتر ہوگا جس سے دیہی علاقوں کی تیز تر ترقی میں اضافہ ہوگا۔ سی این آئی کے مطابق مرکزی وزارت برائے دیہی ترقی نے جمعہ کو پردھان منتری گرام سڑک یوجنا (پی ایم جی ایس وائی) مرحلہ IIIکے تحت 1276 کلومیٹر سڑک کے لیے پروجیکٹ منظور کیا جس کی لاگت 1357 کروڑ روپے ہے۔قابل ذکر بات یہ ہے کہ پردھان منتری گرام سڑک یوجنا (PMGSY) کے تحت جموں و کشمیر ملک میں بہترین کارکردگی دکھانے والی ریاستوں/مرکز کے زیر انتظام علاقوں میں شامل ہے۔ہر گاو¿ں میں سیفٹی، کنیکٹیویٹی اور نقل و حرکت کو یقینی بنانے کے مشن کے ساتھ، 2071 بستیوں کو جوڑنے والے 17,336 کلومیٹر پر محیط 2353 PMGSY پروجیکٹس پہلے ہی مکمل ہو چکے ہیں۔3284 کلومیٹر PMGSY سڑکیں تعمیر کی گئیں، اس کے علاوہ 7301 کلومیٹر کو بلیک ٹاپ کیا گیا۔ مزید برآں، پردھان منتری گرام سڑک یوجنا (PMGSY) کے تحت دور دراز کے علاقوں تک رابطہ فراہم کرنے کے لیے 125 پل بنائے جانے ہیں۔اس ضمن میں لیفٹیننٹ گورنر منوج سنہا نے وزیر اعظم نریندر مودی اور دیہی ترقی کے مرکزی وزیر گری راج سنگھ کا شکریہ ادا کیا ہے۔PMGSY-III کی منظوری کو جموں و کشمیر کے دیہی رابطوں میں ایک اور سنگ میل قرار دیتے ہوئے لیفٹیننٹ گورنر نے کہا کہ جدید دیہی بنیادی ڈھانچہ، بہتر کنیکٹیویٹی دیہی معیشت اور زندگی میں آسانی کو بہتر بنائے گی۔لیفٹیننٹ گورنر نے مزید کہا کہ یہ پائیدار اور جامع ترقی کے لیے غیر مربوط رہائش گاہوں کو ہمہ موسمی سڑک رابطہ فراہم کرے گا۔لیفٹیننٹ گورنر نے کہا کہ جموں کشمیر کی مجموعی طرقی کےلئے مرکزی سرکار نے پہلے ہی متعدد پروجیکٹوں کو منظوری دی ہے خاص کر سڑک پروجیکٹوں پر پہلے ہی کام شروع کیا جاچکا ہے اور سال 2021-22میں اب تک 17,336 کلومیٹر پر محیط 2353 مکمل ہوچکے ہیں۔
