ایمسٹیلوین// ہندوستانی خاتون ہاکی ٹیم کو جمعہ کو ایف آئی ایچ خواتین ہاکی ورلڈ کپ کے آخری دوسرے میچ میں نیوزی لینڈ کے ہاتھوں 3-4 سے شکست کا سامنا کرنا پڑا۔ اس شکست کے بعد ہندوستانی ٹیم اب 10 جولائی کو کراس اوور میچ میں اسپین سے مقابلہ کرے گی اور اس میچ کی فاتح ٹیم 13 جولائی کو کوارٹر فائنل میں آسٹریلیا سے کے مد مقابل ہوگی۔نیوزی لینڈ نے پول بی کے میچ میں ٹورنامنٹ کی اپنی پہلی جیت کے متلاشی ہندوستانی ٹیم کو 4-3 سے شکست دی۔ہندوستان کی جانب سے وندنا کٹاریہ نے میچ کے چوتھے منٹ میں پہلا گول کرکے ٹیم کو ابتدائی برتری دلائی لیکن اس کے فوراً بعد اولیویا میری نے پنالٹی کارنر کو گول میں تبدیل کرکے میچ 1-1 سے برابر کردیا۔دوسرے کوارٹر کے اختتام سے عین قبل ٹیس جاپ نے ایک بار پھر گیند کو گول میں پہنچاکر نیوزی لینڈ کو 2-1 کی برتری دلا دی۔
تیسرا کوارٹر شروع ہوتے ہی فرانسس ڈیوس نے گول کر کے ہندوستان کی مشکلات میں اضافہ کر دیا۔ اسکور کارڈ 3-1 تک پہنچنے کے بعد ہندوستانی ٹیم کے دباؤ کو دور کرتے ہوئے لالریم سیامی نے تیسرے کوارٹر کے اختتام سے عین قبل ایک گول کیا۔چوتھے کوارٹر میں ہندوستان نے انتہائی جارحانہ کھیل کا مظاہرہ کرتے ہوئے میچ کو ٹائی تک پہنچا دیا۔ میری نے میچ کے آخری منٹوں میں اپنا دوسرا گول کر کے نیوزی لینڈ کی برتری 4-2 کر دی، اس کے فوراً بعد گرجیت کور نے پنالٹی کارنر کو گول میں تبدیل کر کے ہندوستان کی امیدوں کو زندہ کر دیا۔میچ کے آخری سیکنڈ میں ہندوستان کو پنالٹی کارنر ملا۔ گرجیت کور نے گیند کو مارنے کی کوشش کی لیکن پہلی ہی کوشش میں یہ کیوی کھلاڑی کے پاؤں سے گزر گئی۔
ہندوستان کو دوسری کوشش دی گئی جس میں بروک رابرٹس نے کامیابی سے گیند کو روکا اور ہندوستان کو قریبی میچ میں شکست دے دی۔ہندوستان ورلڈ کپ کی راؤنڈ رابن لیگ میں ایک بھی میچ نہیں جیت سکا۔ وہ نیوزی لینڈ سے ہارنے سے پہلے انگلینڈ (1-1) اور چین (1-1) کے ساتھ ڈرا کھیل چکاہے۔ نیوزی لینڈ نے ہندوستان کو شکست دے کر ورلڈ کپ کے کوارٹر فائنل میں جگہ بنا لی ہے۔
