نئی دلی//سعودی عرب کے نائب وزیر دفاع برائے سٹریٹجک امور مسٹر احمد اے اسیری نے 30 جون 2022 کو نئی دہلی میں سیکرٹری دفاع ڈاکٹر اجے کمار سے ملاقات کی۔ انہوں نے دونوں ممالک کے درمیان دفاعی تعاون کو بڑھانے کے طریقوں پر تبادلہ خیال کیا۔ نائب وزیر نے وزیر دفاع کو ہندوستان – سعودی عرب کی مشترکہ کمیٹی برائے دفاعی تعاون کی 5ویں میٹنگ کے بارے میں بتایا جو 29 جون 2022 کو منعقد ہوئی تھی۔جے سی ڈی سی میٹنگ کی مشترکہ صدارت جوائنٹ سکریٹری (مسلح افواج)شری دنیش کمار اور مسٹر احمد اے اسیری نے کی۔
ملاقات کے دوران دونوں فریقین نے ملٹری ٹو ملٹری مصروفیات بشمول مشترکہ مشقوں، ماہرین کے تبادلوں اور صنعتی تعاون میں ہونے والی پیش رفت کا جائزہ لیا۔ دفاعی صنعت میں تعاون کو بڑھانے کے لیے مشترکہ منصوبے کے لیے نئی راہوں کی نشاندہی کرنے اور باہمی دلچسپی کے شعبوں کا جائزہ لینے کا فیصلہ کیا گیا۔ موجودہ مشترکہ بحری مشقوں کے دائرہ کار اور پیچیدگیوں کو بڑھانے اور دیگر شعبوں میں دو طرفہ مشقوں کو وسعت دینے پر بھی تبادلہ خیال کیا گیا۔جے سی ڈی سی کی اگلی میٹنگ سعودی عرب میں 2023 میں باہمی طور پر آسان تاریخوں پر منعقد کرنے پر اتفاق کیا گیا۔
جے سی ڈی سی ہندوستان اور سعودی عرب کی وزارت دفاع کے درمیان دو طرفہ دفاعی تعاون کے تمام پہلوؤں کا جامع جائزہ لینے اور رہنمائی کرنے کا اعلیٰ ادارہ ہے۔نائب وزیر نے چیف آف انٹیگریٹڈ ڈیفنس اسٹاف کے ساتھ چیئرمین چیفس آف اسٹاف کمیٹی سے بھی بات چیت کی۔ وفد کے لیے ایک دفاعی صنعت کی بات چیت کا بھی اہتمام کیا گیا جس میں متعدد ہندوستانی دفاعی صنعتوں نے شرکت کی۔
