نئی دلی//زراعت اور کسانوں کی بہبود کی وزارت کی کوششوں سے، ڈی ڈی کسان چینل نے کرشی بھون، نئی دہلی میں ایک اسٹوڈیو قائم کیا ہے۔ اس کا افتتاح آج زراعت اور کسانوں کی بہبود کے مرکزی وزیر جناب نریندر سنگھ تومر نے ریاستی وزراء سشری شوبھا کرندلاجے اور شری کیلاش چودھری کے ساتھ کیا۔اس موقع پر بات کرتے ہوئے جناب تومر نے کہا کہ زراعت کی وزارت کا دائرہ بہت وسیع ہے اور ملک میں کسانوں کی ایک بڑی تعداد ہے، جو ڈی ڈی نیوز اور ڈی ڈی کسان چینلز کے ذریعے آسانی سے بات چیت کر سکتے ہیں۔
وزیر اعظم جناب نریندر مودی کی قیادت میں پچھلے 8 سالوں کے دوران کسانوں کی زندگیوں میں تبدیلی آئی ہے اور کھیتی کے میدان میں بھی انقلابی تبدیلی آ رہی ہے۔ ایسے وقت میں، یہ چینل حکومت اور کسانوں کے درمیان ایک پل کا کام کرے گا، جس کا مقصد کسانوں کو ٹیکنالوجی سے جوڑنا ، موجودہ دور کو پہچاننا ، منافع بخش فصلوں کی طرف بڑھنا چ اور منافع کمانا ہے۔جناب تومر نے کہا کہ اس اسٹوڈیو کے قیام کے ساتھ ہی وزارت کی سرگرمیوں، پروگراموں اور مشن کے بارے میں تازہ ترین معلومات کسانوں اور دیگر اسٹیک ہولڈرز تک تیز رفتاری سے پہنچیں گی۔
انہوں نے کرشی بھون میں اسٹوڈیو کھولنے کے لیے دوردرشن اور ڈی ڈی کسان کا شکریہ ادا کیا۔کسانوں کی جامع ترقی کے لیے ایک نئی پہل کے طور پر، وزیر اعظم جناب مودی نے 26 مئی 2015 کو کسانوں کے لیے ڈی ڈی کسان چینل شروع کیا، جس کا مقصد ملک میں زراعت اور دیہی برادری کی خدمت کرنا اور انہیں تعلیم دے کر مجموعی ترقی کا ماحول بنانا ہے۔ نیز، کسانوں کو حکومت کے اہم تاریخی فیصلوں کے بارے میں مطلع کرنے اور تعلیم دینے کے لیے متعلقہ پروگراموں اور پینل مباحثوں کو باقاعدگی سے ٹیلی کاسٹ کیا جاتا ہے۔ ماحولیات، ہنر مندی کی ترقی اور علاقے کے مخصوص پروگراموں کے عصری مسائل پر کچھ نئے پروگرام زیر غور ہیں۔
