نئی دلی//وزارت خارجہ نے ایک بیان میں کہا کہ ہندوستان اور آرمینیا نے پیر کو ہندوستان کی مالی اور تکنیکی مدد سے آرمینیا میں اعلیٰ اثر والے کمیونٹی ڈیولپمنٹ پروجیکٹس پر مفاہمت کی ایک یادداشت پر دستخط کئے۔ اس مفاہمت نامے پر آج یریوان میں منعقدہ تجارت، اقتصادی، سائنسی اور تکنیکی، ثقافتی اور تعلیمی تعاون سے متعلق آٹھویں ہند-آرمینیا بین الحکومتی کمیشن میں دستخط کیے گئے۔ سکریٹری (مغرب) وزارت خارجہ امور سنجے ورما نے ہندوستانی وفد کی قیادت کی۔
سرکاری بیان میں کہا گیا ہے کہ آرمینیائی وفد کی قیادت آرمینیا کے وزیر خارجہ ارارات مرزویان نے کی۔ غور طلب ہے کہ آرمینیا کے ساتھ ہندوستان کے تعلقات۔ تاریخی اور پہلے سے زیادہ قریب ہیں۔ آئی جی سی میں، دونوں فریقوں نے تجارت، سرمایہ کاری، صحت، سیاحت، انفراسٹرکچر، ثقافت، کنیکٹیویٹی، انفارمیشن ٹیکنالوجی، زراعت، فن ٹیک اور تعلیم جیسے متنوع شعبوں میں تعاون کی موجودہ صورتحال پر تبادلہ خیال کیا اور جائزہ لیا۔
سکریٹری (مغرب)نے آرمینیا کے نائب وزیر اعظم ہمباردزوم ماتیووسیان سے بھی ملاقات کی۔ بعد میں یریوان اسٹیٹ میڈیکل یونیورسٹی میں ایک مہاتما گاندھی آڈیٹوریم کا افتتاح یونیورسٹی کے ڈاکٹر ارمین مرادیان ریکٹر کے ساتھ کیا گیا۔ سکریٹری (مغرب)نے مہاتما گاندھی کے مجسمہ پر پھول چڑھائے۔ آرمینیا میں ہندوستانی کمیونٹی بڑی حد تک یریوان اسٹیٹ میڈیکل یونیورسٹی میں طبی تعلیم حاصل کرنے والے 700 سے زیادہ طلباء پر مشتمل ہے، جو فی الحال واحد یونیورسٹی ہے جسے آرمینیا کی وزارت تعلیم نے انگریزی میڈیم میں طب پڑھانے کی اجازت دی ہے۔ سکریٹری (مغرب)ے وائی ایس ایم ایل میں زیر تعلیم ہندوستانی طلباء سے بھی بات چیت کی۔ ساتویں آئی جی سی کا انعقاد اپریل 2016 میں ہوا تھا اور چھٹا آئی جی سی اور ایف او سی 25 ستمبر 2013 کو نئی دہلی میں منعقد ہوا تھا۔
