نئی دلی// ہندوستان اور منگولیا کے درمیان مضبوط دوطرفہ تعلقات کو اجاگر کرتے ہوئے، پارلیمانی امور اور ثقافت کے مرکزی وزیر مملکت ارجن رام میگھوال نے اس بات پر زور دیا کہ کس طرح منگولیا میں بھگوان بدھ کے آثار کی نمائش دونوں ملکوں کے درمیان مماثلت اور قربت کو ظاہر کرتی ہے۔
منگولیا میں 11 دنوں تک نمائش کے لیے رکھے گئے بھگوان بدھ کے مقدس کپلواستو کے آثار کو گذشتہ روز وزیر موصوف نے وصول کیے تھے۔ اس موقع پر انہوں نے کہا کہ منگولیا میں بدھ کے آثار کی 11 دنوں تک نمائش نے دونوں ممالک کے درمیان مماثلت اور قربت کو ظاہر کیا۔ انہوں نے ہندوستان اور منگولیا کے مضبوط باہمی تعلقات کو یاد کیا۔ انہوں نے مزید کہا کہ آثار کی نمائش کے حوالے سے دونوں ممالک کے درمیان باہمی افہام و تفہیم نے دونوں ممالک کے درمیان بھائی چارے کو بھی فروغ دیا۔ چار مقدس آثار – جنہیں ‘ کپل وستو اوشیش کہا جاتا ہے، مرکزی وزیر رجیجو کی قیادت میں ایک ہندوستانی وفد کے ذریعہ ہندوستانی فضائیہ کے طیارے میں دو خصوصی بلٹ پروف تابوتوں میں لایا گیا تھا۔
بھگوان بدھ کے مقدس آثار جو بدھ مت کے مقدس ترین آثار میں سے ایک سمجھے جاتے ہیں جو 29 سال بعد منگولیا میں لوٹے ہیں، بدھ مت کے مقدس ترین آثار میں سے ایک سمجھے جاتے ہیں۔ انہیں 11 دنوں تک اولانبتار میں گندن ٹیگچینلنگ خانقاہ کے احاطے میں واقع بتساگان مندر میں دکھایا گیا۔ 2015 میں، مقدس آثار کو نوادرات اور فن کے خزانے کے ‘AA’ زمرے میں رکھا گیا تھا جنہیں ان کی نازک نوعیت کو دیکھتے ہوئے عام طور پر نمائش کے لیے ملک سے باہر نہیں لے جانا چاہیے۔ تاہم، منگولیا کی حکومت کی خصوصی درخواست پر، حکومت نے مستثنیٰ قرار دیا اور دونوں ممالک کے درمیان ثقافتی اور روحانی تعلقات کو فروغ دینے کے لیے منگولیا میں مقدس آثار کی نمائش کی اجازت دی۔
