سری نگر//انفو//جموںوکشمیر یوٹی میں گرام پنچایتی سطح پر پنچایتی راج اِداروں کو بااِختیار بنانے کے لئے 44 ڈیجیٹل وِلیج سینٹر( ڈی وِی سی ) جس میں ہر ضلع میں دو قائم کئے گئے ہیں۔اِس مشن کے تحت متعلقہ ضلع کمشنروں سے 44پنچایت گھروں کی نشاندہی کی گئی ۔ ڈیجیٹل وِلیج سینٹر( ڈی وِی سی ) ان پنچایت گھروں میں قائم کئے گئے ہیں اور وہ آئی ٹی بنیادی ڈھانچہ ، دیگر آلات اور تمام کنکٹویٹی سے لیس ہے۔
ڈیجیٹل وِلیج سینٹر( ڈی وِی سی ) گائوں کی سطح پر وَن سٹاپ سروس حل کرنے کے طور پر کام کریں گے اور وائی فائی ہاٹ سپاٹ ، ٹیلی میڈیسن ، ایگر ی کلچرل سپورٹ سروس ، ڈیجیٹل پے منٹس اور دیگر جی 2سی اور بی ٹو سی خدمات فراہم کریں گے ۔ آئی ٹی ڈیپارٹمنٹ محکمہ خزانہ کے فعال تعاون سے جموںوکشمیر کی باقی گرام پنچایتوں میں اِس طرح کے مزید ڈیجیٹل وِلیج سینٹر( ڈی وِی سی ) قائم کرنے کا منصوبہ رکھتا ہے ۔یہ پروگرام پائلٹ بنیادوں پر جموںوکشمیر کے 44دیہات میں 5کروڑ روپے کی لاگت سے شروع کیاگیا تھا۔
پہلے مرحلے میں ہر ضلع سے دو گائوں لئے جارہے ہیں جو ڈیجیٹل خدمات پیش کرنے کے لئے کنکٹویٹی ( فائبروِی ایس اے ٹی ) کے لحاظ سے قابلِ عمل ہیں۔ باقی گرام پنچایتوں کو دوسرے مرحلے میں لیاجائے گا ۔پروگرام کا بنیادی مقصد آئی ٹی سے چلنے والی خدمات مؤثر طریقے سے حکمرانی کی فراہمی ، سرکاری سکیموں کی عمل آوری کے بارے میںبیداری پیدا کرنا اور دیہی عوام کی سماجی و اِقتصادی صورتحال کو بہتر بنانا ہے۔گرام پنچایت کی موجودہ عمارتوں کوڈیجیٹل وِلیج سینٹروں( ڈی وِی سیز) کے طو رپر نامزد کیا گیا ہے جن میں سمارٹ ایل اِی ڈی ، کمپیوٹر ، سکرین ، اِنٹرنیٹ اور دیگر متعلقہ سہولیات فراہم کی گئی ہیں۔دیہی ترقی محکمہ کے وِلیج لیول ورکر ( وِی ایل ڈبلیوز)ڈیجیٹل وِلیج سینٹروں( ڈی وِی سیز) کے کسٹوڈین اور مجموعی اِنتظام کے لئے ذمہ دار ہیں۔ اِن سینٹروں کی دیکھ ریکھ متعلقہ گائوں کے نمبردار اور لمبردار، چوکیدار بھی کرتے ہیں۔
لیفٹیننٹ گورنر منوج سِنہا نے جموںوکشمیر میں 44 ڈیجیٹل وِلیج سینٹروں کا اِفتتاح کرنے کے بعد کہا کہ جموںوکشمیر یوٹی میں ترقی کا ایک نیا دور شروع ہوا ہے جو جامع ترقی کی طرف ایک بہت بڑاا قدام ہے۔لیفٹیننٹ گورنر منوج سِنہا نے کہا،’’ جموںوکشمیر میں ترقی کا ایک نیا دور شروع ہوا ہے اور ہم نے جامع ترقی کی طرف ایک بہت بڑا قدم بڑھایا ہے ۔آج 44پنچایتیں اور 40 بلاکوں کوڈیجیٹل وِلیج سینٹروں کی شکل میں لوگوں کے لئے وقف کیا گیا ہے اور حکومت کی تمام آن لائن سکیموں تک پہنچنے کے لئے اِنتظامات کئے گئے ہیں۔‘‘
