سرینگر //انفو//چیف سیکرٹری ڈاکٹر ارون کمار مہتا نے آج جموں و کشمیر میں غیر منظم ڈیپارٹمنٹ سکیموں ( بی یو ڈی ایس ) ایکٹ کو ایک ماہ کے اندر اندر نافذ کرنے کا مطالبہ کیا جو کہ جمع کرانے کی سرگرمیوں سے متعلق بدعنوانیوں کو روکنے کیلئے ایک جامع میکانزم فراہم کرتا ہے ۔
انہوں نے یہ ہدایات یہاں سول سیکرٹریٹ میں غیر بینکاری مالیاتی کمپنیوں اور غیر کارپوریٹڈ باڈیز کے کام سے متعلق 32 ویں یونین ٹیر ٹری لیول کوارڈینیشن کمیٹی ( یو ٹی ایل سی سی ) کی میٹنگ کی صدارت کرتے ہوئے دیں ۔ میٹنگ میں ایڈیشنل چیف سیکرٹری داخلہ ، ایڈیشنل چیف سیکریٹری خزانہ ، اسپیشل ڈی جی سی آئی ڈی ، اسپیشل ڈی جی کرائم ، لاء سیکرٹری ، جنرل منیجر آر بی آئی ، ڈائریکٹر انفارمیشن اینڈ پبلک رلیشنز ، ریجنل ڈائریکٹر آر بی آئی جموں اور دیگر افسران نے ویڈیو کانفرنسنگ کے ذریعے میٹنگ میں شرکت کی ۔
میٹنگ کی صدارت کرتے ہوئے چیف سیکرٹری نے جموں و کشمیر میں بی یو ڈی ایس ایکٹ کے نفاذ کیلئے قواعد وضع کرنے اور آن لائین دھوکہ دہی کی روک تھام کیلئے ایک ماحولیاتی نظام وضع کرنے کی ہدایت دی تا کہ لوگوں کے مفادات کو بچایا جا سکے ۔ انہوں نے افسران کو ڈیجٹل دُنیا میں ہونے والے مالی فراڈ کو روکنے کیلئے مضبوط اصلاحی اقدامات کرنے کی ہدایات بھی دیں ۔ انہوں نے افسران کو ہدایت دی کہ وہ موجودہ خلاء کو پورا کریں ۔ اس بات پر زور دیتے ہوئے کہ حتمی مقصد لوگوں کا پیسہ بچانا ہے ، انہوں نے ایسے حالات سے نمٹنے کیلئے کثیر الجہتی حکمت عملی پر زور دیا ۔
ڈاکٹر مہتا نے کہا کہ ایک مکمل نظام ہونا چاہئیے جس کے ذریعے ہم ڈیٹا اکٹھا کر سکیں گے ۔ انہوں نے ایک وقف ہیلپ لائن کی فراہمی پر بھی زور دیا جہاں لوگوں کو دھوکہ دہی کرنے والی کمپنیوں کے بارے میں اگاہ کیا جائے گا ۔ انہوں نے کہا کہ شہریوں کو روشناس کرانے کیلئے کھڑے آخری آدمی تک معلومات پہنچائی جائیں تا کہ وہ دھوکہ بازوں کا شکار نہ ہوں ۔
چیف سیکرٹری نے کہا کہ لوگوں کو انٹر نیٹ پر پیسہ کمانے کے مواقع کا وعدہ کرنے والی اسکیمیں ملتی ہیں جو لوگوں کو دھوکہ دینے کیلئے تیار کی گئی ہیں اور ڈیجٹل دُنیا میں ہونے والے مالیاتی فراڈ کو روکنے کیلئے سخت اقدامات کرنے ہوں گے ۔ ڈاکٹر مہتا نے مزید کہا کہ ایک نوڈل آفیسر کو نامزد کیا جائے اور مختلف ڈپازٹ لینے والوں کی معلومات کے ساتھ ایک آن لائن ڈیٹا بیس قائم کیا جائے جس کا استعمال یہ معلوم کرنے کیلئے کیا جائے گا کہ کون سے ڈپازٹ لینے والے ریگولیٹ ہیں اور کون سے نہیں ۔ چیف سیکرٹری نے 31 ویں یو ٹی ایل سی سی میں لئے گئے فیصلوں کی پیش رفت پر کاروائی کی رپورٹ بھی طلب کی ۔ انہوں نے سائبر پولیس اسٹیشن میں درج سائبر فراڈز اور اب تک کئے گئے مقدمات کی تعداد کے بارے میں بھی دریافت کیا ۔
