پلوامہ کا عوامی وفد الطاف بخاری سے ملاقی
سرینگر/ جنوبی ضلع پلوامہ کے دربگام، پنگلینہ، وش ب±گ، اور چکورا علاقوں کے باشندگان پر مشتمل ایک عوامی وفد نے اپنی پارٹی کے قائد سید محمد الطاف بخاری سے ملاقات کی اور ا±نہیں متعلقہ علاقوں کے عوامی مسائل اور شکایات سے آگاہ کیا۔اراکینِ وفد نے ا±ن کی توجہ بالخصوص ان علاقوں میں بنیادی انفراسٹکچرکی قلت اور متعلقہ حکام کی غفلت شعاری کی وجہ سے پیدا شدہ عوامی مسائل کی طرف مبذول کرائی۔موصولہ بیان کے مطابق سید محمد الطاف بخاری نے اراکین وفد کی شکایات کو بغور س±نا اور ا±نہیں یقین دہانی کرائی کہ وہ ان مسائل کے فوری حل کےلئے انہیں متعلقہ افسران کی نوٹس میں لائیں گے۔اس موقعے پر انہوں نے کہا، ”میں آپ کو یقین دلاتا ہوں کہ ہم ان مسائل کو متعلقہ حکام کے سامنے ا±ٹھائیں گے اور انہیں جلد از جلد حل کرانے کی کوشش کریں گے۔ عوامی مسائل کی نشاندہی کرنا اور ا±نہیں حل کرانا اپنی پارٹی کے بنیادی ایجنڈے میں شامل ہے۔ اپنی پارٹی جموں کشمیر کے ہر علاقے میں مساوی اور تیز رفتار ترقی کی متمنی ہے اور اس کے لئے ہمیشہ کوشش جاری رکھے گی۔“وفد کی قیادت پارٹی لیڈر عمر جان کررہے تھے۔ اس موقعے پر پارٹی کی پارلیمانی امور کمیٹی کے سربراہ محمد دلاور میر، جنرل سیکرٹری رفیع احمد میر، سٹیٹ کنوینر حاجی پرویز، ضلع صدر سرینگر نور محمد شیخ اور دیگر پارٹی لیڈران بھی موجود تھے۔
پلوامہ کا عوامی وفد الطاف بخاری سے ملاقی
