سید محمد الطاف بخاری نے چرار شریف میں حضرت شیخ نورالدین نورانی کی زیارت گاہ پر حاضری دی

سید محمد الطاف بخاری نے چرار شریف میں حضرت شیخ نورالدین نورانی کی زیارت گاہ پر حاضری دی
سرینگر/23اگست/ اپنی پارٹی کے قائد سید محمد الطاف بخاری نے شیخ العالم حضرت شیخ نورالدین نورانی کی درگاہ، واقع چرار شریف، پر حاضری دی۔ا±ن کے ہمراہ پارٹی کے سرکردہ لیڈران بشمول سینئر نائب صدر غلام حسن میر، نائب صدر عثمان مجید، جنرل سکریٹری رفیع احمد میر، صوبائی صدر کشمیر محمد اشرف میر، پارٹی کے ترجمان اور ضلع صدر بڈگام منتظر محی الدین، میڈیا ایڈوائزر سید فاروق اندرابی، چرار شریف حلقہ انتخاب کے پارٹی انچارج مشتاق زوہامی، زاہد حسین جان، اور دیگر اشخاص تھے۔موصولہ بیان کے مطابق سید محمد الطاف بخاری نے اس موقعے پر جموں و کشمیر میں دائمی امن و استحکام اور عوام میں ہم آہنگی کے لیے دعا کی اور لوگوں پر زور دیا کہ وہ بھی اس خطے کے امن و استحکام کےلئے اللہ تعالیٰ سے دست بدعا ہوں۔اس موقعے پر لوگوں کے ساتھ بات چیت کرتے ہوئے، سید محمد الطاف بخاری نے کہا، ”حضرت شیخ نورالدین نورانی نے ہمیں دین کے روحانی پہلو سے آشنا کرنے کے ساتھ ساتھ امن و سکون اور ہم آہنگی و بھائی چارے کی زندگی جینے کا ہنر سکھایا ہے۔ خود انہوں نے اپنی پوری زندگی تقویٰ اور روحانیت سے مزئین سفر میں گزاری۔ اس لئے ہمیں شیخ العام کی تعلیمات کو مکمل طور پر اپنانے کی ضرورت ہے تاکہ ہماری انفرادی اور اجتماعی زندگیاں بھی امن و سکون سے مزئین ہوں۔“انہوں نے مزید کہا، ”اپنے معاشرے میں ہم مزید بد امنی اور عدم استحکام کے متحمل نہیں ہوسکتے ہیں۔ہمیں اپنے نوجوانوں اور آنے والی نسلوں کی بہتری کے لیے یہاں پائیدار امن کی ضرورت ہے۔ اس لیے ہر ایک کو جموں اور خطے میں امن اور خوشحالی کے لیے دعا اور کوشش کرنی ہوگی۔“