کھارین رینگہ زبل میں بیداری کیمپ کا انعقاد

 کھارین رینگہ زبل میں بیداری کیمپ کا انعقاد
بڈگام/ستمبر 15/اے این ایس
ٹرائبل اسٹوڈنٹ ایسوسی ایشن بڈگام نے اے این ایس کے تعاون سے ضلع بڈگام کے علاقے کھارین رینگہ زبل میں ایک بیداری پروگرام کا انعقاد کیا جس میں بہت سے لوگوں نے شرکت کی۔ اس پروگرام میں تنظیم کی خواتین ونگ نے بھی شرکت کی۔ ٹرائبل اسٹوڈنٹ ایسوسی ایشن بڈگام کے صدر اور اے این ایس کے منیجنگ ایڈیٹر عمران بڈھانہ پروگرام میں مہمان خصوصی کے طور پر موجود تھے۔ انہوں نے ٹرائبل اسٹوڈنٹ ایسوسی ایشن بڈگام کے بارے میں لوگوں کو آگاہ کیا اور لوگوں کو بتایا کہ ہم اپنی آواز کیسے اٹھا سکتے ہیں۔ لوگوں کے مسائل کے بارے میں بھی بات کی، مقامی لوگوں نے ٹرائبل اسٹوڈنٹ ایسوسی ایشن کا شکریہ ادا کیا اور اپنے بہت سے مسائل بتائے جن میں سڑک کی خستہ حالی، محکمہ صحت ،محکمہ پی ایچ ای کی جانب سے پائپ لائنیں نہ بچھانے کی شکایت وغیرہ شامل ہے ،وہیں عمران بڈھانہ نے عوام کو یقین دلایا کہ آپ کے مسئلہ کو جلد حل کرنے کی کوشش کی جائے گی جبکہ ٹرائبل اسٹوڈنٹ ایسوسی ایشن بڈگام کے باقی ممبران بشمول آرگنائزر بلال جہارہ، نائب صدر منظور جہارہ اور ترجمان اعجاز جہارہ، خواتین ونگ کی نائب صدر زرینہ بانو اور آرگنائزر شہناز گل نے بھی خطاب کیا, اور TSAK کے بارے میں آگاہ کیا۔ بعد ازاں عمران بڈھانہ نے میڈیا سے بات کرتے ہوئے کہا کہ ہم یہ پروگرام بڈگام ضلع کے ان تمام علاقوں میں کریں گے جن پر کوئی توجہ نہیں دی جاتی۔ قوم کی آواز کو بلند کرنے اور اپنی قوم کے مسائل کو اجاگر کرنے کے لیے انہوں نے طلباءسے اپیل کی کہ وہ ٹرائبل اسٹوڈنٹ ایسوسی ایشن بڈگام میں شامل ہوں تاکہ وہ ہمیں اپنے مسائل بتا سکیں اور انہیں کسی حد تک حل کیا جاسکے،عمران بڈھانہ نے شرکا کو 17 ستمبر کو سری نگر میں منعقد ہونے والے ماہ پنچایت میں آنے کی دعوت۔