اپنی پارٹی کا کلیدی مقصد عوام کو معاشی و سیاسی لحاظ سے با اختیار بنانا /سید الطاف بخاری

اپنی پارٹی کا کلیدی مقصد عوام کو معاشی و سیاسی لحاظ سے با اختیار بنانا /سید الطاف بخاری
سرینگر/31مئی/ ضلع ترقیاتی کونسل پلوامہ کے متعدد ارکان اور کئی سیاسی کاکنان اپنی پارٹی میں شامل ہوگئے۔ ان اشخاص نے پارٹی کے صدر دفتر سرینگر میں منعقدہ ایک تقریب کے دوران پارٹی قائد سید محمد الطاف بخاری کی موجودگی میں پارٹی میں شمولیت اختیار کی۔اپنی پارٹی جوائن کرنے والے اشخاص میں ڈی ڈی سی ممبر اونتی پورہ میما جی، ڈی ڈی سی ممبر پامپورہ تعظیمہ جی، ضلع صدر پی ڈی پی ذاکر حسین، سرپنچ پنگلینا اومکر ناتھ رازدان، ظہور احمد صوفی (پی ڈی ڈی)، ڈی ڈی سی ممبر اچگوزا منشا جی، اور دیگر افراد شامل ہیں۔موصولہ بیان کے مطابق پارٹی قائد سید محمد الطاف بخاری نے پارٹی میں شامل ہونے والوں کا پ±رتپاک استقبال کیا اور ا±نہیں یقین دلایا کہ اپنی پارٹی انہیں اپنے اپنے علاقوں میں عوام کی خدمت کے بھر پور مواقع فراہم کرے گی۔انہوں نے کہا، ”میں تہہ دل سے آپ سب کا استقبال کرتا ہوں اور یقین دلاتا ہوں کہ یہ پارٹی آپ کو کبھی مایوس نہیں کرے گی۔ بلکہ یہ جماعت آپ کو عوام کی زیادہ مو¿ثر طریقے سے خدمت کرنے کے بھرپور مواقع فراہم کرے گی کیونکہ اپنی پارٹی کا بنیادی مقصد ہی بلا کسی امتیاز کے جموں کشمیر کے عوام کی خدمت کرنا ہے۔“انہوں نے مزید کہا، ”مجھے ا±مید ہے کہ آپ کی شمولیت سے متعلقہ علاقوں میں اپنی پارٹی کا کیڈر مزید مضبوط ہوگا۔ ہم مل جل کر جموں و کشمیر میں امن و استحکام، تعمیر و ترقی اور عوام کی خوشحالی کے اپنے مشترکہ مقصد کو حاصل کرنے کے لیے زیادہ مو¿ثر طریقے سے کام کر سکتے ہیں۔ ہمارا مقصد جموں و کشمیر کے عوام کو معاشی اور سیاسی لحاظ سے بااختیار بنانا ہے۔”اس موقع پر پارٹی کے جو سرکردہ لیڈران موجود تھے، ا±ن میں پارٹی کے نائب صدر ظفر اقبال منہاس، جنرل سکریٹری رفیع احمد میر، صوبائی صدر محمد اشرف میر، ریاستی سکریٹری و ضلع صدر بڈگام منتظر محی الدین، ضلع صدر پونچھ شاہ محمد تانترے، ضلع صدر پلوامہ غلام محمد، ڈاکٹر سمیع اللہ میر، میر الطاف، عمر جان، ڈی ڈی سی ممبر منظور احمد، ضلع صدر یوتھ ونگ پلوامہ تجاللہ اندرابی، اور دیگر اشخاص شامل تھے۔