سرینگر/اپنی پارٹی کے سینئر لیڈر اور میڈیا ایڈوائزر فاروق اندرابی نے کولگام میں دہشت گردانہ کی جانب سے ایک ریٹائرڈ فوجی جوان کو ہلاک کرنے اور اسکی اہلیہ اور بیٹی کو زخمی کرنے کے واقعہ پر اپنے گہرے د±کھ اور افسوس کا اظہار کرتے ہوئے اس حملے کی شدید الفاظ میں مذمت کی ہے۔اپنے بیان میں فاروق اندرابی نے کہا، ”مجھے کولگام میں ایک دہشت گردانہ حملے میں ایک سابق فوجی منظور احمد وگے کی ہلاکت سے بہت دکھ ہوا ہے۔ ایک نہتے شخص اور اسکی اہلیہ اور بیٹی پر اس طرح کا حملہ کرنا بزدلی اور دہشت گردی کی ایک بدترین مثال ہے۔ ہر فرد کو اس وحشیانہ فعل کی سخت ترین الفاظ میں مذمت کرنی چاہیے۔“اندرابی نے سیکورٹی ایجنسیوں پر زور دیا کہ وہ اس واقعہ میں ملوث دہشت گردوں کو ڈھونڈ نکالیں تاکہ انہیں ان کے کیفر کردار تک پہنچایا جاسکے۔
کولگام حملے میں سابق فوجی کی ہلاکت ،فاروق اندرابی نے کی مذمت
