نئی دلی//مرکزی وزیر مملکت برائے سیاحت اور دفاع جناب اجے بھٹ نے 6 جولائی 2022 کو ہائبرڈ موڈ میں سینٹرل انسٹی ٹیوٹ آف ہوٹل مینجمنٹ کی سرگرمیوں اور حیثیت کا جائزہ لیا۔ جناب گیان بھوشن، اقتصادی مشیر، سیاحت کی وزارت، نیشنل کونسل فار ہوٹل مینجمنٹ، نوئیڈا کے ڈائریکٹرز اور پوسہ کے پرنسپل کی نمائندگی کرتے ہوئے جسمانی طور پر موجود تھے۔
میٹنگ کا آغاز سیاحت کی وزارت کے اقتصادی مشیر جناب گیان بھوشن کے خیر مقدم سے ہوا۔ شری بھوشن نے انسٹی ٹیوٹ کے ذریعہ چلائے جانے والے تعلیمی پروگراموں کے بارے میں ایک مختصر پریزنٹیشن بھی دی۔ آئی ایچ ایم کے دونوں پرنسپلز کو انسٹی ٹیوٹ کے زیر انتظام اکیڈمک پروگرام کے بارے میں بریفنگ کا موقع دیا گیا۔
شری اجے بھٹ نے قومی اور عالمی سطح پر آئی ایچ ایم کی تعلیمی کارکردگی اور درجہ بندی کی تعریف کی اور ان کی حوصلہ افزائی کی۔ انہوں نے تمام اداروں کو بھی مبارکباد دی اور قومی تعمیر میں آئی ایچ ایمزکے گراں قدر تعاون کے لیے نیک تمناؤں کا اظہار کیا۔ شری اجے بھٹ نے ای بی ایس بی، اے کے اے ایم، اور یوگا ڈے کے تحت آئی ایچ ایم کی طرف سے کی گئی دیگر سرگرمیوں پر روشنی ڈالی اور وبائی صورتحال کے دوران بھی ہر ادارے کی فعال شرکت کی تعریف کی۔مضبوط امید کے ساتھ شری بھٹ نے کہا کہ آنے والے مستقبل میں داخلہ اور انسٹی ٹیوٹ کی مالی طاقت میں بہتری آئے گی۔ اس کے ساتھ ساتھ انہوں نے تمام پرنسپلز کو بھی اسی جذبے کے ساتھ اچھے کام کو جاری رکھنے کی ترغیب دی۔
