حسن آباد ریناواری میں میگا آیوش فری کیمپ کا انعقاد، عوام کی بڑی تعداد شریک

سرینگر/برکت علی/حسینی پارک، حسن آباد ریناواری میں میگا آیوش میڈیکل کیمپ کا انعقاد کیا گیا، جس میں مقامی مکینوں کو مفت طبی مشورے اور ادویات فراہم کی گئیں۔ یہ کیمپ آیوش یونٹ RSGC نے وزی ورلڈ کے اشتراک سے منعقد کیا۔ کیمپ میں عوام کا غیر معمولی رش دیکھنے میں آیا، جہاں 453 مستفید افرادنے ماہر ڈاکٹروں اور عملے سے مفت علاج اور دوائیاں حاصل کیں۔ طبی خدمات فراہم کرنے والی ٹیم میں ڈاکٹر قرات، ڈاکٹر ایوب، ڈاکٹر سیمون، ڈاکٹر مشتاق، فارماسسٹ نذیر احمد، آو¿ٹ سورس اسٹاف مسبا، اور محمد قاسم (NO) شامل تھے، جنہوں نے دن بھر مریضوں کی خدمت میں بھرپور تعاون کیا۔ علاقے کے رہائشیوں نے محکمہ آیوش، DAO سرینگر اور متعلقہ عملے کا شکریہ ادا کرتے ہوئے اس کیمپ کو عوامی صحت کے لیے ایک اہم اقدام قرار دیا اور امید ظاہر کی کہ آئندہ بھی ایسے فلاحی کیمپ منعقد کیے جاتے رہیں گے۔