دفعہ 370کی منسوخی کے بعد جموں و کشمیر واقعی ہندوستان سے جڑ گیا /انوراگ ٹھاکر

سرینگر09۔۔۔۔ستمبر۔۔۔۔سی این آئی۔۔۔۔۔۔دفعہ 370کی منسوخی کے بعد جموں و کشمیر واقعی ہندوستان سے جڑ گیا کا دعویٰ کرتے ہوئے سابق مرکزی وزیر اور بی جے پی کے ممبر پارلیمنٹ انوراگ سنگھ ٹھاکر نے کہا کہ خاندان پر مبنی پارٹیوں نے جموں و کشمیر کی ترقی کو روک دیا ہے جبکہ وزیر اعظم مودی نے امنگوں کو نئے بازو دیے ہیں۔انہوں نے کہا کہ لوگوں میں جموں و کشمیر میں انتخابات کو لےکر بے پناہ جوش و خروش ہے۔ ملک کے باقی حصوں کی طرح یہاں بھی کمل کھلے گا کیونکہ ہندوستانی اتحاد کے لوگ ملک کو ذات پات، مذہب، علاقہ اور زبان کے نام پر تقسیم کرتے ہیں اور ہم ان کو متحد کرتے ہیں۔سی این آئی کے مطابق انتخابی پروگراموں کے چلتے انوراگ ٹھاکر نے جموں میں ایک پروگرام سے خطاب کرتے ہوئے لوگوں سے بی جے پی کے حق میں ووٹ دینے کی اپیل کی۔ اس موقعہ پر خطاب کرتے ہوئے انہوں نے کہا کہ خاندان پر مبنی پارٹیوں نے جموں و کشمیر کی ترقی کو روک دیا ہے جبکہ مودی جی نے امنگوں کو نئے بازو دیے ہیں۔ جموں و کشمیر کے لوگوں کی جموں و کشمیر میں انتخابات کو لےکر بے پناہ جوش و خروش ہے۔ ملک کے باقی حصوں کی طرح یہاں بھی کمل کھلے گا کیونکہ ہندوستانی اتحاد کے لوگ ملک کو ذات پات، مذہب، علاقہ اور زبان کے نام پر تقسیم کرتے ہیں اور ہم ان کو متحد کرتے ہیں۔انوراگ ٹھاکر نے کہا کہ ”جموں و کشمیر کی ترقی کو خاندانی پارٹیوں نے روک دیا تھا جبکہ مودی جی نے جموں و کشمیر کی ترقی کو نئے بازو دیے ہیں۔ آج دفعہ 370 ہٹائے جانے کے بعد جموں و کشمیر دراصل ہندوستان میں شامل ہو کر آگے بڑھ رہا ہے۔ پچھلے سال 2 کروڑ 10 لاکھ سے زیادہ سیاح جموں و کشمیر آئے تھے۔ آنے والے سالوں میں یہ تعداد 3 کروڑ سے تجاوز کر جائے گی“۔ انہو ں نے کہا کہ سب نے دیکھا کہ مودی جی نے سب کا ساتھ، سب کا وکاس کے جذبے سے کام کیا ہے“۔ مودی جی نے جموں و کشمیر میں گجر بکروال برادری کو وہ حقوق دلانے کا کام کیا ہے جو کانگریس نے 70 سال سے نہیں دیا۔ انوراگ ٹھاکر نے کہا”دفعہ 370 اور 35A نہرو جی اور کانگریس کی غلطیاں تھیں جس کی وجہ سے جموں و کشمیر کے لوگوں کی ترقی میں رکاوٹ پیدا ہوئی اور ہم نے اپنے بہت سے بہادر سپاہیوں کو کھو دیا۔ مودی جی نے اپنی غلطیوں کو سدھار لیا ہے۔ ہم نے جموں و کشمیر میں پنچایتی انتخابات کرائے تھے۔ آج جموں و کشمیر میں دہشت گردی کے واقعات میں 75 فیصد کمی آئی ہے اور پتھراو¿ رک گیا ہے۔انوراگ ٹھاکر نے کہا کہ مودی جی کی قیادت میں ہماری حکومت نے پچھلے 10 سالوں میں سب کا ساتھ، سب کا وکاس اور سب کا وشواس کے بنیادی منتر کے ساتھ کام کیا ہے۔