سری نگر//انفو// وادی کشمیر کے تمام اَضلاع میںجموںوکشمیر سینک ویلفیئر اِس ہفتے جمعہ سے نوجوانوں کی فوج میں بھرتی ( اگنیور سکیم ) میں زیاد ہ سے زیادہ حصہ لینے کے لئے بیداری مہم چلائے گا۔ضلع سینک ویلفیئر کے دفتر کی تفصیلات کے مطابق سری نگر اور بڈگام اَضلاع کے اگنیوروں کے لئے بیداری پروگرام 22؍ جولائی بروز جمعہ صبح 11بجے سے دوپہر 12بج کر 30منٹ تک اور دوپہر 2بج کر 30منٹ سے شام 4بجے تک منعقد کیا جائے گا۔گاندربل میں پروگرام 23؍ جولائی بروز سنیچر صبح 11بجے سے دوپہر ایک بجے تک منعقد ہوگا۔
اِسی طرح اننت ناگ اور کولگام اَضلاع کے لئے 25؍ جولائی بروز سوموار کو صبح 11بجے سے 12بج کر 30منٹ تک اور دوپہر 2بج کر 30منٹ سے شامل 4بجے تک بیداری پروگرام منعقد کیا جائے گا جبکہ شوپیان اور پلوامہ اضلاع کے لئے یہ پروگرام 26؍ جولائی بروزِ منگل صبح 11بجے سے دوپر 12بج کر 30منٹ تک اور دوپہر 2 بج کر 30منٹ سے شام 4بجے تک منعقد ہوگا۔اِسی طرح ضلع بارہمولہ اور ضلع بانڈی پورہ کے لئے یہ پروگرام 27؍ جولائی بروزِ بدھ وار صبح11 بجے سے 12بج کر 30منٹ تک اور 28؍ جوالائی بروز جمعرات صبح 11بج کر 30منٹ سے ایک بجے تک منعقد ہوگا جبکہ ضلع کپواڑہ کے لئے بیداری پروگرام 29 ؍ جولائی بروز جمعہ صبح 11بجے دوپہر 12بج کر 30منٹ تک منعقد کیا جائے گا۔
یہ پروگرام ہر ضلع کے صدرمقامات پر منعقد ہوگا اور اِس میں بنیادی طور پر تحریری اِمتحان ، فزیکل اِمتحان اور اگنیور سکیم کی دیگر نمایاں خصوصیات کو اُجاگر کرنے پر توجہ دی جائے گی۔
