نئی دلی// کامرس اور صنعت کی مرکزی وزیر مملکت محترمہ انوپریہ پٹیل نے آج جمہوریہ گبون کے وزیر مملکت برائے صنعت و تجارت مسٹر پیکوم موبلیٹ۔ بوبیا سے ملاقات کی جو ہندوستان۔افریقہ گروتھ پارٹنرشپ پر 17ویں سی آئی آئی۔ ایگز بنک کانکلیو میں شرکت کے لیے نئی دہلی کے دو روزہ دورے پر ہیں۔ وزیر موبیلیٹ بوبیا کے ساتھ دس ارکان پر مشتمل ایک اعلیٰ سطحی وفد بھی شامل تھا جس میں مسٹر ہیوگس جوڈیکیل مباڈنگا ماڈیا، سرمایہ کاری اور عوامی نجی شراکت داری کے فروغ کے وزیر، جمہوریہ گیبون اور محترمہ یولینڈے کرسٹیئن نیوندا، نائب وزیر برائے خارجہ امور شامل تھے۔
دونوں وزراء نے دونوں ممالک کے درمیان دوطرفہ تجارت، اقتصادی اور سرمایہ کاری کے تعلقات کے تمام پہلوؤں کا احاطہ کرتے ہوئے پر امید اور نتیجہ خیز بات چیت کی۔ انہوں نے فعال اقتصادی مشغولیت پر بھی تبادلہ خیال کیا اور تعاون کے لیے نئے شعبوں کی نشاندہی کی، خاص طور پر کان کنی، دفاع، زراعت، صحت کی دیکھ بھال، دواسازی اور قابل تجدید توانائی کے شعبہ میں تعاون پر غور کیا گیا۔ دونوں وزراء نے بڑھتی ہوئی باہمی تجارت پر اطمینان کا اظہار کرتے ہوئے جو کہ وبائی امراض کے باوجود 2021-22 میں 1.2 بلین امریکی ڈالر سے تجاوز کر گئی تھی، تجارتی ٹوکری میں تنوع اور دو طرفہ سرمایہ کاری میں گہرے تعاون کی ضرورت کو تسلیم کیا۔
وزیر موبیلیٹ-بوبیا نے وزیر موصوفہ کو گبون میں سرمایہ کاری کے مواقع سے آگاہ کیا، خاص طور پر گبون خصوصی اقتصادی زون میں جہاں 54 ہندوستانی کمپنیوں نے فارما، لکڑی، کان کنی، اسٹیل اور فوڈ پروسیسنگ جیسے مختلف شعبوں میں مینوفیکچرنگ یونٹس قائم کیے ہیں۔ دونوں فریقوں نے معیار سمیت اہم شعبوں میں مہارت کی ترقی/تربیت اور صلاحیت کی تعمیر میں تعاون کی ضرورت کو نوٹ کیا۔ محترمہ انوپریہ پٹیل نے “ایمرجنٹ گیبن ویژن 2025” منصوبہ کی تعریف کی اور گیبون کی تبدیلی اور اس کی معیشت کو متنوع بنانے میں ہندوستان کے مکمل تعاون کا یقین دلایا۔
محترمہ پٹیل نے جنیوا میں منعقدہ حالیہ ڈبلیو ٹی او وزارتی کانفرنس میں ہندوستان اور افریقہ گروپ کی مشترکہ کوششوں کی بھی تعریف کی۔ دونوں وزراء نے اقوام متحدہ اور ڈبلیو ٹی او سمیت مختلف کثیرالجہتی تنظیموں میں تعاون جاری رکھنے پر اتفاق کیا ہے۔ محترمہ انوپریہ پٹیل نے کہا کہ شمسی توانائی میں ہندوستان کی مہارت اور علم گبون کو فائدہ پہنچا سکتا ہے۔
