سی بی سی کا تین روزہ آو¿ٹ ریچ پروگرام نیوما میں اختتام پذیر

سی بی سی کا تین روزہ آو¿ٹ ریچ پروگرام نیوما میں اختتام پذیر
سرینگر/25 اگست/پی آئی بی/ لداخ کے دور افتادہ چانگ تھانگ علاقے کے نیوما میں سینٹرل بیورو آف کمیونیکیشن (سی بی سی)، وزارت اطلاعات و نشریات، حکومت ہند کی طرف سے منعقدہ تین روزہ آو¿ٹ ریچ پروگرام اور تصویری نمائش جمعہ کو اختتام پذیر ہوئی۔9 برس: سیوا، سوشاسن اور غریب کلیان کے موضوع پر منعقد کیے گئے پروگرام کا مقصد ملک کے ترقیاتی منظر نامے اور گزشتہ نو سالوں کے دوران اہم شعبوں میں ہونے والی پیش رفت کے بارے میں لوگوں کو آگاہ کرنا تھا۔نیوما کے کمیونٹی ہال میں لگائی گئی تصویری نمائش میں حکومت کے دیگر اہم پروگراموں کے علاوہ مشن لائف ای اور جی 20 صدارت کے بارے میں معلومات کی نمائش کی گئی۔گزشتہ تین دنوں کے دوران، مقامی عوام کو حکومت کی مختلف عوامی فلاحی اسکیموں کے بارے میں آگاہ کرنے کے لیے کمیونٹی موبلائزیشن اور ان کی شمولیت کے لیے مختلف سرگرمیاں منعقد کی گئیں۔آئی سی ڈی ایس، زراعت اور صحت کے محکموں کے ماہرین نے زائرین کو مشغول کیا اور انہیں متعلقہ محکموں کی جانب سے نافذ کی جانے والی مختلف اسکیموں کے بارے میں آگاہ کیا۔ تین روزہ پروگرام کے دوران طلباءکے لیے روزانہ کوئز اور مقامی خواتین کے لیے تفریحی سرگرمیوں کا اہتمام کیا گیا۔اختتامی روز، ڈاکٹر فرناز کوثر، میڈیکل آفیسر نے حاضرین، جن میں زیادہ تر خواتین تھیں، سے بات چیت کی اور انہیں صحت اور خاندانی بہبود کے شعبے میں شروع کیے گئے پروگراموں کے بارے میں آگاہ کیا۔ ڈاکٹر فرناز نے عام صحت کے مسائل اور ان کے علاج کے بارے میں بھی بات کی۔اس سے قبل پہلے روز ایس ڈی ایم نیوما، جناب جگمیت انگچک اور سی ڈی پی او نیوما، محترمہ زرینہ بانو نے لوگوں سے خطاب کیا۔ دوسرے دن محکمہ زراعت کے فیلڈ اسسٹنٹ جناب ہاشم علی نے نامیاتی کاشتکاری اور سرد موسم کی سبزیوں کی کاشت پر لیکچر دیا۔ انہوں نے زرعی اسکیموں کے بارے میں بھی تفصیلی پریزنٹیشن دی جو کہ خصوصی طور پر لداخ کے لیے ہیں۔جناب شاہد محمد لون، فیلڈ پبلسٹی آفیسر، سی بی سی نے لیہہ کی ضلعی انتظامیہ، سب ڈویژنل انتظامیہ نیوما اور نیوما کے لوگوں کا آو¿ٹ ریچ پروگرام کو کامیاب بنانے پر شکریہ ادا کیا۔ انہوں نے کہا کہ سی بی سی اس بات کو یقینی بنانے کے لیے پرعزم اور فرض کی پابند ہے کہ شہری اپنے حقوق اور ذمہ داریوں سے آگاہ ہوں۔ انہوں نے کہا کہ ہر پروگرام اور فلاحی اسکیم کی کامیابی کا دارومدار عوامی بیداری پر ہے، اور آو¿ٹ ریچ پروگرام شہریوں کو باخبر بنانے کا ایک طریقہ ہیں۔