آفت زدگان کو 6ماہ کے اندر3 کمروں کے مکان ملیں گے /لیفٹنٹ گورنر

رام بن….۹۲، نومبر….جے کے این ایس….. جموں و کشمیر کے لیفٹیننٹ گورنر منوج سنہا نے ہفتہ کو ضلع رام بن میں18کروڑ روپے کی لاگت سے 189 مکانات کی تعمیر نو کا سنگ بنیاد رکھا۔یہ گھر اپریل اور اگست2025 کے سیلاب کے دوران مکمل طور پر تباہ ہو گئے تھے۔انہوںنے کہاکہ HRDSانڈیا کی مدد سے، مخصوص تکنیکوں کو استعمال کیا جائے گا تاکہ پہلے سے تیار شدہ، آرام دہ اور مضبوط اور زیادہ لچکدار گھر بنائے جائیں۔جے کے این ایس کے مطابق جموں و کشمیر کے لیفٹیننٹ گورنر منوج سنہا نے ہفتہ کو رام بن ضلع کا دورہ کیا اوراپریل اور اگست2025 کے سیلاب اور لینڈ سلائیڈنگ سے متاثرہ خاندانوں کو مستقل مکان فراہم کرنے کے مقصد سے بحالی کے منصوبوں کا سنگ بنیاد رکھا۔میڈیا سے بات کرتے ہوئے، لیفٹیننٹ گورنر منوج سنہا نے کہا کہ ضلع انتظامیہ نے تمام اسٹیک ہولڈرز کے تعاون سے حکومتی قوانین کے مطابق متاثرہ خاندانوں کو راحت اور بچاو¿ کی کارروائیاں فراہم کی ہیں۔انہوںنے کہاکہ ہم جانتے ہیں کہ گھروں کی تعمیر نو کےلئے صرف حکومتی امداد کافی نہیں ہے،اسلئے ہم HRDSانڈیا کے ساتھ شراکت میں ہیں۔منوک سنہانے کہاکہ HRDSانڈیا کی مدد سے، مخصوص تکنیکوں کو استعمال کیا جائے گا تاکہ پہلے سے تیار شدہ، آرام دہ اور مضبوط اور زیادہ لچکدار گھر بنائے جائیں۔لیفٹیننٹ گورنر منوج سنہا نے اعلان کیاکہ رام بن ضلع میں 189 خاندانوں کو اگلے 6 ماہ کے اندر3 کمروں کے مکان ملیں گے۔انہوں نے کہاکہ رام بن میں18کروڑ روپے کی لاگت سے 189 مکانات کی تعمیر نو کاکام مکمل کیاجائے گا۔لیفٹیننٹ گورنر نے مزید کہا کہ یہ گھر 15 سالہ انشورنس پالیسی، ہیلتھ چیک اپ اور انٹرنیٹ کنیکٹیویٹی کے ساتھ آئیں گے، جس سے خاندان ایک محفوظ اور باوقار زندگی گزار سکیں گے۔انہوں نے ضلعی انتظامیہ کو مزید ہدایت کی کہ وہ کسی بھی متاثرہ یا غریب خاندان کو ابتدائی فہرست میں شامل کریں۔ لیفٹیننٹ گورنرمنوج سنہا نے بحالی کی کوششوں میں تعاون کرنے کیلئے HRDSانڈیا کا شکریہ ادا کیا۔اسی طرح کے منصوبے دیگر متاثرہ علاقوں بشمول راجوری اور ادھم پور میں چل رہے ہیں۔ انہوں نے مزید کہا کہ جموں و کشمیر میں متاثرہ خاندانوں کے لیے مکانات کی تعمیر نو ایک ترجیح بنی ہوئی ہے۔منوج سنہا نے کہا کہ رام بن میں آج کی پہل اس بات کو یقینی بنانے کی ایک وسیع کوشش کا حصہ ہے کہ یونین ٹیریٹری میں سیلاب اور لینڈ سلائیڈنگ سے متاثرہ تمام خاندانوں کو محفوظ اور مستقل رہائش فراہم کی جائے۔لیفٹیننٹ گورنر منوج سنہا نے کہا کہ انتظامیہ بحالی کے کام کو موثر طریقے سے مکمل کرنے اور اس بات کو یقینی بنانے کے لیے پرعزم ہے کہ تمام استفادہ کنندگان اپنی زندگیوں کو وقار کے ساتھ دوبارہ تعمیر کر سکیں۔