سرینگر….19دسمبر….. ایس این این….. دہلی کی عدالت نے لال قلعہ دھماکہ کیس کے ملزم ڈاکٹر بلال نصیر ملہ کی این آئی اے کی تحویل میں سات دن کی توسیع کر دی جبکہ سویاب کو 5 روزہ جوڈیشل ریمانڈ پر جیل بھیج دیا گیا۔سٹار نیوز نیٹ ورک کے مطابق لال قلعہ دہلی دھماکے کیس میںقومی تحقیقاتی ایجنسی ( این آئی اے) کے ہاتھوں گرفتار ڈاکٹر بلال نصیر ملہ کی این آئی اے کی تحویل میں سات دن کی توسیع کر دی جبکہ سویاب کو 5 روزہ جوڈیشل ریمانڈ پر جیل بھیج دیا گیا۔عدالت نے فرید آباد کے رہائشی سویاب کو بھی لال قلعہ کے بمبار عمر النبی کو پناہ دینے کے ملزم کو پانچ دن کی عدالتی تحویل میں دے دیا۔جانچ ایجنسی نے سویاب اور بلال کو جمعہ کو سخت سیکورٹی کے درمیان پٹیالہ ہاو¿س کورٹ میں پیش کیا جب کہ ان کی 15 دسمبر کو دی گئی گزشتہ چار دن کی این آئی اے حراست کی میعاد ختم ہوگئی۔میڈیا والوں کو کارروائی کی کوریج سے روک دیا گیا۔ملزمان کو پرنسپل اینڈ سیشن جج انجو بجاج چاندنا کے سامنے پیش کیا گیا جنہوں نے تحقیقاتی ایجنسی کو نصیر سے مزید سات دن کیلئے اپنی تحویل میں پوچھ گچھ کرنے کی اجازت دی، جبکہ صیاب کو 24 دسمبر تک عدالتی تحویل میں بھیج دیا گیا۔این آئی اے کے سرکاری ترجمان نے پہلے کہا تھا کہ ایجنسی نے ہریانہ کے فرید آباد میں دھوج کے رہنے والے سویاب کو دہلی دہشت گرد بم دھماکے سے قبل مبینہ طور پر دہشت گرد عمر النبی کو لاجسٹک مدد فراہم کرنے کے الزام میں گرفتار کیا تھا۔این آئی اے نے ڈاکٹر نصیر بلال ملہ کو 9 دسمبر کو دہلی سے گرفتار کیا اور اسے سازش کا اہم ملزم قرار دیا۔این آئی اے کی تحقیقات کے مطابق نصیر نے جان بوجھ کر عمر النبی کو لاجسٹک سپورٹ فراہم کرکے پناہ دی تھی۔ اس پر دہشت گردانہ حملے سے متعلق شواہد کو تباہ کرنے کا بھی الزام ہے، ایجنسی نے 9 دسمبر کو پہلے کہا تھا۔این آئی اے پہلے ہی نو لوگوں کو گرفتار کر چکی ہے جن میں تین اور ڈاکٹروں ڈاکٹر مزمل گنائی، ڈاکٹر عدیل راتھر، ڈاکٹر شاہین سعید اور مذہبی مبلغ مولوی عرفان شامل ہیں۔دو دیگر افراد عامر راشد علی اور جاسر بلال وانی عرف دانش کو بھی گرفتار کیا گیا ہے۔18 دسمبر کو، این آئی اے نے کیس کے نویں ملزم یاسر احمد ڈار کو گرفتار کیا، جو جموں و کشمیر کا رہائشی ہے اور مبینہ طور پر عمر النبی کا قریبی ساتھی ہے۔
نصیر بلال کی این آئی اے حراست میں 7روزہ توسیع
