سری نگر….۲۲،دسمبر….جے کے این ایس …..سیکورٹی فورسز نے بخشی اسٹیڈیم سری نگر کے قریب واقع علاقوں میں پیرکی صبح تلاشی لی، جو کشمیر میں26جنوری کو یوم جمہوریہ کی تقریبات کا مرکزی مقام ہونے والا ہے۔جے کے این ایس کے مطابق امیراکدل اور مہاراجہ بازار کے گنجان آباد کاروباری علاقوں کے کچھ رہائشی یونٹوں میں کسی بھی دھماکہ خیز مواد یا اسلحہ اور گولہ بارود کو تلاش کرنے کےلئے سونگھنے والے کتوں اور میٹل ڈیٹیکٹرز کو کام میں لگایا گیا تھا۔حکام نے بتایا کہ سیکورٹی فورسز کو تلاشی کے دوران کوئی مشکوک چیز نہیں ملی ہے۔انہوں نے مزید کہا کہ تخریب کاری کےخلاف چیکنگ اور تلاشیاں بخشی اسٹیڈیم کے قریب واقع علاقوں میں کی گئیں، جو کشمیر میں یوم جمہوریہ اور یوم آزادی کی تقریبات کا مرکزی مقام ہے۔لال چوک پر واقع کلاک ٹاور، جو گزشتہ 4 سالوں میں سیاحوں کے مرکز میں تبدیل ہو چکا ہے۔سیکورٹی حکام نے بعدازاں بتایاکہ یہ معمول کی چیکنگ اورتلاشی کارروائی تھی ،جس کا مقصد یومیہ جمہوریہ کے پیش نظر قبل ازوقت لازمی اقدامات پرتوجہ مرکوز کرنا ہے۔
یوم جمہوریہ کی آمد کے پیش نظر پیشگی سیکورٹی اقدامات
