خواجہ غریب نواز کی درگاہ امن ، بھائی چارے ، اخوت اور سکون کی جگہ ہے ….کرن ریججو

سرینگر……22دسمبر….اے پی آئی…..درگاہ اجمیر شریف کو سکون کی جگہ قرار دیتے ہوئے پارلیمانی اور اقلیتی امور کے مرکزی وزیر نے کہا کہ درگاہ پر حاضری کے دوران انہوںنے ملک کے امن ، بھائی چارے ،خوشحالی کیلئے دعا کی ۔ بھارت کسرت میں وحدت والا ملک ہے جہاں مختلف مذاہب کے ماننے والے لوگ رہتے ہیں اور ہمیں سبھی مذاہب کا احترام کرنا چاہیے ۔ اے پی آئی نیوز کے مطابق پارلیمانی اور اقلیتی امور کے مرکزی وزیر کرن ریجیجو نے اجمیر شریف جاکر خواجہ غریب نواز کی درگاہ پر حاضری دی اور چادھر چڑھائی ۔ اس موقعہ رپ ذرائع ابلاغ کے ساتھ بات چیت کرتے ہوئے مرکزی وزیر نے خواجہ محی الدین چستی غریب نواز ؒ کی درگاہ کو سکون کی جگہ قرار دیتے ہوئے کہا کہ اگر تہہ دل سے انسان دعا مانگیں تو وہ دعا اللہ کی بارگاہ میں خواجہ اجمیر کے طفیل قبول ہوا کرتی ہیں ۔ انہوںنے کہا کہ چادر چڑھانا جہاں ایک رسم ہے اس چادر چڑھانے سے مجھے دلی سکون مل رہا ہے اور پچھلے دو برسوں سے میں درگاہ پر حاضری دیتا ہوں ، میں نے ملک کے امن ، خوشحالی کیلئے خصوصی دعا کی اور میں امید کرتا ہوں کہ یہ دعا قبول ہوگی ۔ ملک میں امن خوشحالی اور ترقی کے نئے دور کا آغاز ہوگا۔ مرکزی وزیر نے کہا کہ ہم کسرت میں وحدت والے ملک میں رہتے ہیں ، ہمیں ہر ایک مذہب کا احترام کرنا چاہیے اور لوگوں کو چاہیے کہ وہ مذاہب کے بارے میں ایک دوسرے کے ساتھ اختلاف نہ کریں ۔ انہوںنے خواجہ غریب نواز کی درگاہ کو عقیدت کا سمندر قرار دیتے ہوئے کہا کہ اس درگاہ کے ساتھ کروڑوں لوگوں کو اپنی امیدیں وابستہ ہیں اور ہم چاہتے ہیں کہ یہ درگاہ ہمارے لئے ہمیشہ بھائی چارے ، محبت ، اخوت کا گہوارا بنے ۔