سرینگر۔۔۔۔29جنوری۔۔۔۔ ایس این این ۔۔۔۔۔لیڈر شپ کا مطلب عوامی مسائل کو ترجیحی بنیادوں پر حل کرنا ہے کی بات کرتے ہوئے بھارتیہ جنتا پارٹی کے جنرل سیکرٹری اشوک کول نے وزیر اعلیٰ عمر عبداللہ پر تنقید کرتے ہوئے الزام لگایا کہ نیشنل کانفرنس قیادت والی حکومت بھاری برفباری کے بعد لوگوں تک پہنچنے میں ناکام رہی ہے اور وزیر اعلی زمین پر امدادی کارروائیوں کی نگرانی کرنے کے بجائے گلمرگ میں سکینگ میں مصروف ہیں۔سٹار نیوز نیٹ ورک کے مطابق بھارتیہ جنتا پارٹی کے جنرل سیکرٹری اشوک کول نے وزیر اعلیٰ عمر عبداللہ پر تنقید کرتے ہوئے الزام لگایا کہ این سی کی قیادت والی حکومت بھاری برفباری کے بعد لوگوں تک پہنچنے میں ناکام رہی ہے اور الزام لگایا کہ وزیر اعلی زمین پر امدادی کارروائیوں کی نگرانی کرنے کے بجائے گلمرگ میں سکینگ میں مصروف ہیں۔بامڈی پورہ میں ورکرسکنونشن کے موقع پر نامہ نگاروں سے بات کرتے ہوئے اشوک کول نے جموں و کشمیر میں سیاسی پارٹیوں پر کئی دہائیوں سے جاری تشدد کے لیے ذمہ دار ہونے کا الزام لگایا جس کے نتیجے میں وادی بھر میں ہزاروں افراد ہلاک اور کئی خواتین بیوہ ہوئیں۔کول نے کہا کہ کشمیر کا بڑا حصہ مسدود سڑکوں، بجلی کی بندش اور ضروری خدمات میں خلل کی وجہ سے متاثر رہا، جس سے باشندوں کو سخت سردی کے حالات میں مشکلات کا سامنا کرنا پڑ رہا ہے۔انہوں نے کہا کہ عام خاندانوں کو سب سے زیادہ نقصان اٹھانا پڑا جب کہ سیاستدانوں نے اپنے گھر والوں اور بچوں کو غیر ممالک میں محفوظ رکھا۔پارٹی کارکنوں سے خطاب کرتے ہوئے کول نے کہا کہ حالیہ برسوں میں جموں و کشمیر کی صورتحال بدل گئی ہے۔ انہوں نے کہا کہ آج امن ہے، اب ماوں کو ڈر نہیں ہے کہ اگر ان کے بیٹے باہر نکلے تو انہیں مار دیا جائے گا۔ ایسا ملک کے خلاف کام کرنے والوں کے خلاف سخت کارروائی کی وجہ سے ہوا ہے۔انہوں نے الزام لگایا کہ پہلے کی حکومتوں نے سیاسی فائدے کے لیے غریب نوجوانوں کو تنازعات میں دھکیل دیا۔ کول نے کہا”بڑے سیاستدانوں کے خاندان کا کوئی فرد نہیں مارا گیا۔ صرف غریبوں کو ہی نقصان پہنچا کیونکہ انہیں اکسایا گیا تھا۔ “ سال 2020 میں بانڈی پورہ میں بی جے پی لیڈر وسیم باری، ان کے والد اور بھائی کے قتل کا حوالہ دیتے ہوئے، کول نے کہا کہ وہ ایک ناکام نظام کا شکار تھے۔ انہوں نے کہا کہ وسیم باری کے باپ بیٹے کی کیا غلطی تھی، وہ معصوم لوگ تھے جنہوں نے عوام کی خدمت کی قیمت ادا کی۔کول نے کہا کہ بی جے پی نے سیاسی پارٹیوں، سرکاری ملازمین اور قومی مفاد کے خلاف کام کرنے والی تنظیموں پر پیچ سخت کر دیا ہے۔بانڈی پورہ سوناواری اور گریز کے ممبر اسمبلی کو نشانہ بناتے ہوئے کول نے ان پر سخت سردی کے حالات میں لوگوں سے ملنے نہ جانے کا الزام لگایا۔ انہوں نے کہا کہ جب برفباری سے گاو¿ں منقطع ہو جاتے ہیں تو نمائندوں کو عوام کے ساتھ زمین پر ہونا چاہیے۔کول نے وزیر اعلیٰ عمر عبداللہ پر مزید حملہ کرتے ہوئے الزام لگایا کہ وہ گلمرگ میں اسکیئنگ میں مصروف تھے جب لوگوں کو برف باری کے بعد بجلی کی کٹوتیوں، سڑکوں کو بلاک کرنے اور قلت کا سامنا کرنا پڑا۔ انہوں نے کہا کہ قیادت کا مطلب عوامی مسائل کو حل کرنا ہے، جب شہری مشکلات کا شکار ہوں تو فرصت سے لطف اندوز نہ ہوں۔
