نئی دلی//سائنس اور ٹیکنالوجی کے مرکزی وزیر مملکت (آزادانہ چارج( ڈاکٹر جتیندر سنگھ نے کہا ہے کہ کووڈ-19 عالمی وبا کے دوران مرکزی حکومت میں بھرتی کا سلسلہ جاری رہا۔مرکزی وزیر ڈاکٹر جتیندر سنگھ کی طرف سے راجیہ سبھا میں ایک بیان دیا گیا جس میں کہا گیا کہ مرکزی حکومت میں بھرتی کا عمل جاری ہے اور سال 21-2020 اور 22-2021 کے دوران یو پی ایس سی، ایس ایس سی اور انسٹی ٹیوٹ آف بینکنگ پرسنل سلیکشن جو عام طور پر آئی بی پی ایس کے نام جانا جاتا ہے، نے کل 159615 امیدوار کا انتخاب کیا ۔
یونین پبلک سروس کمیشن (یوپی ایس سی)، اسٹاف سلیکشن کمیشن (ایس ایس سی) اور انسٹی ٹیوٹ آف بینکنگ پرسنل سلیکشن (آئی بی پی ایس) کووڈ-19 کے تمام تحفظاتی پروٹوکول کا خیال رکھتے ہوئے امتحانات کا انعقاد کرتی رہی ہے۔کووڈ-19 عالمی وبا کی وجہ سے سول سروسز کے امتحان کیلئے امیدواروں کی عمر میں نرمی دینے اور فاضل کوشش کے معاملے پر وزیر موصوف نے کہا کہ اس معاملے کو سی ایس ای امیدواروں کی جانب سے ایک رٹ پٹیشن کے ذریعے سپریم کورٹ کے سامنے بھی پیش کیا گیا تھا۔ سپریم کورٹ آف انڈیا کے ذریعے پاس کردہ فیصلوں کی بنیاد پر اس معاملے پر غور کیا گیا اور ابھی یہ مناسب نہیں پایا گیا ہے کہ سول سروسز کے امتحانات کے معاملے میں عمر کی حد اور کوششوں کی تعداد سے متعلق موجودہ شقوں میں تبدیلی کی جائے۔
