سرمد حفیظ نے نیسبل سنبل کا دورہ کیا اور دو ہوم سٹے کا کیااِفتتاح
بانڈی پورہانفوسیکرٹری سیاحت اور امور نوجوان و کھیل سرمدحفیظ نے جاری بیک ٹو وِلیج مرحلہ چہارم پروگرام کے تحت آج پنچایت نیسبل بانڈی پورہ کا دورہ کیا ۔سیکرٹری نے دورے کے دوران کہا کہ عوامی رسائی پروگرام بیک ٹو وِلیج مرحلہ چہارم تمام دیہی علاقوں میں مساوی ترقی کے مشن کو پہنچانے کی مشترکہ کوشش میں جموںوکشمیر کے لوگوں اور سرکاری اَفسران کو شامل کرتا ہے۔اِس موقعہ پر ضلع ترقیاتی کمشنر بانڈی پورہ ڈاکٹر اویس احمد ، اے ڈی سی وسیم راجہ اور ضلع اِنتظامیہ کے دیگر اعلیٰ اَفسران بھی موجود تھے۔سرمد حفیظ نے ڈاکٹر اویس کے ہمراہ مل کر مختلف شعبہ جات کے سٹالوں کا معائینہ کیا جس میں ان کی خدمات اور کامیابوں کی نمائش کی گئی۔اُنہوں نے پی آر آئیزاور عوامی وفود کے ساتھ بات چیت کی اور عوامی اہمیت کے مختلف مسائل کو بغور سنا۔بعد میں اَفسران نے کھیل کِٹس اور اسناد تقسیم کئے اور نیسبل کے نوجوانوں سے کھیل سرگرمیوں میں حصہ لینے پر بات چیت کی۔بزرگ شہریوں او رپنچایتوں کے نمائندوں نے دورہ کر نے والے آفیسر کے سامنے اَپنے مطالبات پیش کئے اور ان کے مسائل کے ازالے کا مطالبہ کیا۔اِس پروگرام کو مکمل طور پر نافذ کرنے پر زور دیتے ہوئے سرمد حفیظ نے کہا کہ اِس پروگرام کا بنیادی مقصد پنچایتوں کو متحرک کرنا اور کمیونٹی کی شراکت سے دیہی علاقوں کی ترقی کی کوششوں کو ہدایت دینا ہے۔اِس موقعہ پر ضلع ترقیاتی کمشنر اویس نے اَپنے خیالا ت کا اِظہار کرتے ہوئے کہا کہ بیک ٹو وِلیج مرحلہ چہارم پروگرام حکومت کا ایک اہم مشن ہے اور ضلعی اِنتظامیہ نے ہفتہ بھر کے پروگراموں کے دوران آن سپاٹ خدمات اور سہولیت فراہم کرنے کے لئے ضلع میں قابل ذکر اقدامات اُٹھائے ہیں۔اُنہوں نے بیک ٹو وِلیج مرحلہ چہارم کے پہلے اور دوسرے مرحلے کے کامیاب اِنعقاد کے لئے دورہ کرنے والے اَفسران کے کردار اور کوششوں کو سراہا۔ بعد میں اُنہوں نے ضلع ترقیاتی کمشنر کے ہمراہ نیسبل میں دو ہوم سٹے کا اِفتتاح کیا۔
سرمد حفیظ نے نیسبل سنبل کا دورہ کیا اور دو ہوم سٹے کا کیااِفتتاح
