پاکستان میں گھس کر وہاں موجود ملی ٹنٹ کیمپوں کے خلاف کارروائی کی / امیت شاہ

پاکستان میں گھس کر وہاں موجود ملی ٹنٹ کیمپوں کے خلاف کارروائی کی / امیت شاہ
سرینگر11نومبر  سی این آئی    اوڑی اور پلوامہ میں حملے کرتے ہوئے پاکستان یہ بھول گیا کہ اب مرکز میں بی جے پی کی حکومت ہے ،کانگریس کی نہیںکا دعویٰ کرتے ہوئے وزیر داخلہ امیت شاہ نے کہا کہ نریندر مودی کی قیادت والی حکومت نے پاکستان میں گھس کر وہاں موجود ملی ٹنٹ کیمپوں کے خلاف کارروائی کی جس کی آج تک کسی نے ہمت نہیں کی تھی ۔ انہوں نے کانگریس پر الزام لگایا کہ وہ آئین کے دفعہ 370 پر عمل پیرا تھا جسے نریندر مودی نے اکھاڑ پھینکا جس کے نتیجے میں ہمارے پیارے کشمیر کو باقی ملک کے ساتھ ملایا گیا ۔سی این آئی مانیٹرنگ ڈیسک کے مطابق ہماچل پردیش میں ایک عوامی ریلی سے خطاب کرتے ہوئے وزیر داخلہ امیت شاہ نے کہا کہ کانگریس کو ایک مرتبہ پھر نشانہ بناتے ہوئے کہا کہ نریندر مودی کی قیادت والی حکومت نے پاکستان میں دہشت گردی کے کیمپوں کے خلاف کارروائی کی جبکہ کانگریس نے اپنے 10 سال کے دور حکومت میں خاموشی اختیار کی۔انہوں نے کانگریس پر الزام لگایا کہ وہ آئین کے دفعہ 370 پر عمل پیرا ہے، جسے نریندر مودی نے اکھاڑ پھینکا تھا جس کے نتیجے میں ہمارے پیارے کشمیر کو باقی ملک کے ساتھ ملایا گیا تھا۔شاہ نے خطاب کرتے ہوئے کہا کہ ”وزیراعظم نے پاکستان میں ملی ٹنٹوں کے کیمپوں کے خلاف وہاں گھس کر کارروائی کی ۔ وزیر داخلہ نے کہا”10دنوں کے اندر ہمارے فوجیوں نے پاکستان کے اندر سرجیکل اور فضائی حملے کیے اور عسکریت پسندوں کو نشانہ بنایا۔“۔انہوں نے کہا کہ کانگریس نے پہلے وزیر اعظم جواہر لعل نہرو کی دفعہ 370 کی غلطی پر عمل کیا، مودی نے اسے 2019 میں ختم کر دیا۔انہوں نے سوالیہ انداز میں پوچھا ”کشمیر ہمارا ہے یا نہیں؟ کیا دفعہ 370 کو ختم کرنا چاہیے تھا یا نہیں؟“شاہ نے کہا کہ 70 سالوں سے کانگریس دفعہ 370 کو گلے لگاتی رہی، انہوں نے مزید کہا کہ کانگریس کی جانب سے اس اقدام کی سختی سے مخالفت کرنے اور یہ افواہ پیدا کرنے کے باوجود کہ اس سے جموں و کشمیر میں خونریزی ہوگی لیکن ایسا کچھ نہیں ہوا۔شاہ نے کہا کہ 10 سال تک جب کانگریس اقتدار میں تھی، پاکستان ہمارے جوانوں کے سر قلم کیے ہوئے لاشیں واپس کرتا تھا، لیکن یہاں کی حکومت نے کبھی ایک لفظ بھی نہیں بولا۔شاہ نے کہا کہ اگر بی جے پی ہماچل پردیش میں اقتدار میں آئی تو جلد ہی یکساں سول کوڈ نافذ کرے گی۔شاہ نے ایمز ، آئی ٹی آئیز ور میڈیکل کالجوں کی تنصیب جیسے اقدامات کا حوالہ دیتے ہوئے کہا کہ مرکز میں وزیر اعظم نریندر مودی کی قیادت والی حکومت اور ہماچل میں وزیر اعلی جئے رام ٹھاکر کی قیادت والی حکومت نے ہماچل پردیش کو ترقی دینے میں کوئی کسر نہیں چھوڑی ہے۔نوجوانوں سے خطاب کرتے ہوئے انہوں نے کہا کہ کانگریس میں ان کی کوئی جگہ نہیں ہے کیونکہ یہ جمہوری نہیں بلکہ خاندانی پارٹی ہے۔ شاہ نے دعویٰ کیا کہ موجودہ پارٹیوں کا اقتدار کھونے کا دور ختم ہو گیا ہے، یہ نوٹ کرتے ہوئے کہ بی جے پی نے اپنے ترقیاتی کاموں کی وجہ سے کئی ریاستوں جیسے اتر پردیش، اتراکھنڈ، گوا اور منی پور میں اپنی حکومت برقرار رکھی ہے ۔