اَتل ڈولو نے خریف 2023ءکیلئے مائیکرو اِریگیشن اور آبپاشی صورتحال کا جائزہ لیا

اَتل ڈولو نے خریف 2023ءکیلئے مائیکرو اِریگیشن اور آبپاشی صورتحال کا جائزہ لیا
جموں/انفو /  ایڈیشنل چیف سیکرٹری محکمہ زرعی پیداوار اَتل ڈولو نے سیکرٹریٹ جموں میں خریف 2023ءکے لئے مائیکرو اریگیشن اور آبپاشی صورتحال کا جائزہ لینے کے لئے سینئر اَفسران کی ایک میٹنگ کی صدارت کی۔میٹنگ میں پرنسپل سیکرٹری جل شکتی شالین کابرا بھی موجود تھے۔میٹنگ میں پردھان منتری کرشی سینچائی یوجنا ( پی ایم کے ایس وائی ) ،تین برس کے لئے مائیکرو اریگیشن فنڈ ( ایم آئی ایف) اور جموںوکشمیر کے کسانوں کو درپیش دیگر آبپاشی سے متعلق مسائل کے علاوہ 2023-2024ءکے بجٹ تخمینہ منصوبہ سے متعلق مختلف اَمور پر تبادلہ خیال ہوا۔ڈائریکٹر محکمہ زرعی پیداوار کشمیر نے میٹنگ کو 2022ءسے قبل مختلف متعلقہ محکموں اور وزارتوں کی کمپونٹ وائز سرگرمیوں،سال 2022-23 ءکے لئے پی ایم کے ایس وائی کے فی ڈراپ مور کراپ ( پی ڈی ایم سی ) جزو کے تحت مجوزہ سالانہ ایکشن پلان کے بارے جانکاری دی۔میٹنگ کو بتایا گیا کہ مرکزی حکومت کی طرف سے پی ایم کے ایس وائی سکیم2015ءمیں شروع کی گئی تھی جس کا مقصد آبپاشی میں سرمایہ کاری کو کنورجنس کرنا، آبپاشی تک رَسائی کو بڑھانا اور درست آبپاشی کو اَپنانا ، کھیتی پر پانی کے اِستعمال کی کارکردگی کو بہتر بنانا،پانی کا تحفظ، گراﺅنڈ واٹر ریچارج اور توسیعی سرگرمیاںہے ۔ ایڈیشنل چیف سیکرٹری محکمہ زرعی پیداوار اَتل ڈولو نے متعلقہ محکموں کے اَفسران کو ہدایت دی کہ وہ صوبہ جموں میں یکم مارچ اور صوبہ کشمیر میں یکم اپریل تک نہروں کی صفائی کو یقینی بنائیں ۔ اُنہوں نے اَفسران سے مزید کہا کہ جموںوکشمیر کے ہرگاﺅں میں نہروں تک پانی کو پہنچانا یقینی بنائیں۔اُنہوں نے محکمہ زراعت جموںوکشمیر کے ڈائریکٹر وں کو سی اِیز اریگیشن ایف سی جموںوکشمیر کی مدد سے محکمہ دیہی ترقی کی مشاورت کے ساتھ آبپاشی شیڈول تیار کرنے کی ہدایت دی۔اُنہوں نے کہا کہ شیڈول سے پانی اِستعمال کرنے والوں بالخصوص کاشت کار طبقے کو مدد ملے گی۔دونوںصوبوں کے چیف انجینئران آبپاشی اور اے پی ڈی کے ڈائریکٹروں کو پی ایم گتی شکتی سکیم کے تحت اودھمپور اور بارہمولہ اضلاع کے لئے پروجیکٹ پروپوزل تیار کرنے کی ہدایت دی گئی۔ اگر پروجیکٹوں کو کامیابی سے شروع کیا جاتا ہے تو انہی پروجیکٹوںکو یونین ٹیریٹری کے دوسرے اضلاع میں بھی اپنایا جائے گا تاکہ ان اضلاع میں زیادہ سے زیادہ علاقوں کو سیراب کیا جا سکے۔میٹنگ میں ڈائریکٹر زراعت جموں کے کے شرما، ڈائریکٹر ہارٹی کلچر جموں رام سیوک ،ڈائریکٹر سی اے ڈی جموں راجندر سنگھ تارا، چیف اِنجینئر آئی اینڈ ایف سی جموں اور دیگر متعلقہ اَفسران کے علاوہ ڈائریکٹر زراعت کشمیر اقبال چودھری اور زراعت اور متعلقہ محکموں کے دیگر سینئر اَفسران نے بذریعہ ورچیول موڈ شرکت کی۔