پرشوتم روپالا نے سرینگر میں پارلیمانی مشاورتی کمیٹی کے اجلاس کی صدارت کی

پرشوتم روپالا نے سرینگر میں پارلیمانی مشاورتی کمیٹی کے اجلاس کی صدارت کی
سرینگر، 02 جون/ ماہی پروری، انیمل ہسبنڈری اور ڈیری کے مرکزی وزیر پرشوتم روپالا نے سرینگر میں اپنی وزارت سے منسلک مشاورتی کمیٹی کی بین سیشن میٹنگ کی صدارت کی۔ ڈاکٹر سنجیو کمار بالیان، ماہی پروری، انیمل ہسبنڈری اور ڈیری کے وزیر مملکت ، ڈاکٹر ایل مروگن، ماہی پروری، انیمل ہسبنڈری اور ڈیری کے وزیر مملکت، پارلیمانی اراکین اور پارلیمانی مشاورتی کمیٹی کے اراکین بھی میٹنگ میں موجود تھے۔ کمیٹی نے ”موبائل یونٹس کے ذریعے ویٹرنری خدمات کو مضبوط بنانے اور ملک میں ویکسینیشن پروگرام کے نفاذ“ کے مختلف پہلوو¿ں پر غور کیا۔ اجلاس کی صدارت کرتے ہوئے ماہی پروری، انیمل ہسبنڈری اور ڈیری کے مرکزی وزیر جناب پرشوتم روپالا نے کہا کہ بھارت میں مویشیوں اور پولٹری کے وسیع وسائل موجود ہیں، جو دیہی عوام کی سماجی و اقتصادی حالت کو بہتر بنانے میں اہم کردار ادا کرتے ہیں۔ لہذا، محکمہ کو جان بوجھ کر بہتر ویٹرنری صحت خدمات کی دستیابی اور رسائی کو بڑھانے کے لیے کوششیں کرنی ہوں گی تاکہ جانوروں کی بیماریوں سے ہونے والے معاشی نقصانات کو کم کیا جا سکے۔ پارلیمانی اراکین نے محکمہ کی طرف سے کی جانے والی کوششوں کو سراہا، خاص طور پر موبائل ویٹرنری یونٹس (ایم وی یوئز) کے لیے 100فیصدی مرکزی امداد اور یکساں ٹول فری نمبر 1962، اور اس کے ساتھ ساتھ محکمہ کو زیر غور موجودہ ویٹرنری خدمات کو بہتر بنانے کے لیے مختلف تجاویز بھی پیش کیں۔ وزیر نے کمیٹی کو یقین دلایا کہ محکمہ اراکین کی جانب سے دی گئی قیمتی تجاویز پر مناسب کارروائی کو یقینی بنائے گا۔