تمام گھرانوں کو پینے کے مناسب اور معیاری پانی کی فراہمی کو یقینی بنانا ضلعی اِنتظامیہ کی اوّلین ترجیح ہے/ ضلع ترقیاتی کمشنر شوپیان
شوپیان/انفو/ضلع ترقیاتی کمشنر شوپیان فضل الحسیب نے لوگوں کی شکایات اور مسائل کو ان کی دہلیز پر سننے اور ان کا اَزالہ کرنے کے لئے آج حرمین میں ہفتہ وار بلاک دیوس پروگرام کا اِنعقاد کیا۔ابتداً، بی ڈی او حرمین ڈاکٹر عرفان علی نے بلاک کی ترقیاتی خاکہ پیش کیااو رموجودہ برس کے پلان کی تفصیلات پیش کیں۔ اُنہوں نے کہا کہ اِس برس کے دوران بلاک میں زائد اَز 900 کام کئے جارہے ہیں۔پروگرام میں دیہی ترقی ، کھیلوں کے بنیادی ڈھانچے کی ترقی ، پی ایچ سی ، حرمین ،ایچ ایس ایس میں نئے مضامین کا تعارف اور باغبانی ، بجلی کی فراہمی ، پی ایم اے وائی کے مختلف مسائل کو ازالے کے لئے عوامی نمائندوں نے پیش کیا۔ ضلع ترقیاتی کمشنر کی نوٹس میں پینے کے پانی کی دستیابی سمیت عوامی اہمیت کے مسائل لائے گئے ۔ضلع ترقیاتی کمشنر نے ان سے وعدہ کیا کہ چند ماہ کے اَندر ضلع کے تمام لوگوں کو پینے کے صاف پانی کی فراہمی یقینی بنائی جائے گی۔اُنہوں نے کہا کہ ” ہرگھر جل“ کا مشن حکومت کی اوّلین ترجیح ہے اور اسے وقت کے اَندر فراہم کیا جائے گا ۔اِس تقریب میں زندگی کے مختلف شعبوں سے تعلق رکھنے والے لوگوں کی شرکت دیکھی گئی ۔ضلع ترقیاتی کمشنر نے لوگوں کی طرف سے اُٹھائے گئے مطالات کو بغور سنا او رمتعلقہ اَفسران کو ہدایت دی کہ وہ لوگوں کے مسائل اور مطالبات کے فوری اور جلد ازالے کو یقینی بنائیں ۔اُنہوں نے عوام کے مطالبات کو پورا کرنے کے لئے اَفسران کو موقعہ پرہی ہدایات دیں اور اس کے لئے ذمہ داریوں کا تعین کیا۔مختلف اَفسران نے متعلق لوگوں کے مسائل کے سوالات اور مطالبات کا جواب دیا اور لوگوں کو علاقے میں جاری متعدد ترقیاتی کاموں او رسکیموں سے آگاہ کیا۔تقریب میں علاقے کے ڈی ڈی سی ممبران ، پی آر آئیز اور عام لوگوں نے شرکت کی۔اَفسران میں ایس ڈی ایم زینہ پورہ مشتاق احمد ، سی اِی او ، ڈی آئی او ، ایگزنز ، تحصیل دار ، بی ڈی او اور دیگر ضلعی اور تحصیل اَفسران موجود تھے۔
تمام گھرانوں کو پینے کے مناسب اور معیاری پانی کی فراہمی کو یقینی بنانا ضلعی اِنتظامیہ کی اوّلین ترجیح ہے/ ضلع ترقیاتی کمشنر شوپیان
Previous Post
ضلع ترقیاتی کمشنر بانڈی پورہ کا شادی پورہ میں بلاک دیوس کا اِنعقاد بانڈی پورہانفوضلع ترقیاتی کمشنر بانڈی پورہ ڈاکٹر اویس احمد نے ہفتہ وار بلاک دیوس پروگرام کے ایک حصے کے طور پر شادی پورہ کے ہائیر سکینڈری سکول میں شکایتی ازالہ کیمپ کا اِنعقاد کیا۔پروگرام میں مقامی لوگوں اور پی آر آئیز نے جوش و خروش سے حصہ لیا اور اَپنی ترقیاتی اُمنگوں کو پیش کیا۔ پروگرام میں سڑکوں ، پانی کی فراہمی اور آبپاشی ، سکولوں میں اَساتذہ کی دستیابی ، راشن اور دیگر سماجی تحفظی سکیموں کی عمل آوری کے حوالے سے مسائل اُٹھائے گئے۔ضلع ترقیاتی کمشنر نے مقامی لوگوں اور پی آر آئی کی شکایات اور تجاویز کوبغور سنا اور مختلف مسائل کے اَزالے کے لئے موقعہ پر ہی ہدایات جاری کیں۔ڈاکٹر اویس احمد نے عوام پر زور دیا کہ وہ اَپنے بچوں پر نظر رکھیں تاکہ وہ نشے میں پھنسنے سے بچ سکیں۔اُنہوں نے پرنسپل ہائیر سیکنڈری شادی پورہ کو ہدایت دی کہ وہ منشیات سے نجات کے پروگرام منعقد کریں اور سکول اِنتظامی کو ہدایت دی کہ وہ وقفے وقفے سے والدین اور اَساتذہ کی میٹنگیں منعقد کریں تاکہ والدین گھر پر اَپنے بچوں کی نگرانی کرسکیں۔اِس موقعہ پر مقامی لوگوں نے منشیات کی بدعت سے نمٹنے میں پولیس اور اِنتظامیہ کو سراہا او رعوام کی جانب سے اِس سے نمٹنے کے لئے ہر ممکن تعاون کا یقین دِلایا۔بعد میں ڈاکٹر اویس احمد نے محکمہ باغبانی کی جانب سے فراہم کردہ ہائی ڈینسٹی ایپل آرچرڈ شلواتھ کا بھی معائینہ کیا۔اُنہوں نے کسانوں سے تفصیلی گفتگو کی اور ان پر زور دیا کہ وہ اِ س سکیموں کا فائدہ اُٹھائیں جن کا مقصد ان کی آمدنی کو دوگنا کرنا ہے۔اُنہوں نے کہا کہ حکومت کسانوں کی سماجی و اِقتصادی حالت کو بہتر بنانے کی بھی خواہشمند ہے اور اِس سلسلے میں آبپاشی سہولیات ، بہتر کھادوں ، ہائی ڈینسٹی پلانٹوں او ربیجوں کو بہتر بنا کر کسانوں کی پیداوار اور اس کے نتیجے میں ہونے والی آمدنی کو بہتر بنانے کے لئے فصل اِنشورنس کے علاوہ متعدد اقدامات کئے جارہے ہیں ۔
Next Postلیفٹیننٹ گورنر نے سری نگر بین الاقوامی ہوائی اَڈے سے جموںوکشمیر یوٹی کے عازمین حج کے پہلے قافلے کوہری جھندی دِکھا کر روانہ کیا
