اوڑی سے تعلق رکھنے والے معروف سماجی کارکن فاروق احمد تانترے اپنی پارٹی میں شامل ہوئے

اوڑی سے تعلق رکھنے والے معروف سماجی کارکن فاروق احمد تانترے اپنی پارٹی میں شامل ہوئے
سرینگر/10جولائی/ شمالی ضلع کے ا±وڑی حلقہ سے تعلق رکھنے والے معروف سماجی کارکن فاروق احمد تانترے نے آج سرینگر میں اپنی پارٹی کے صدر دفتر میں منعقدہ ایک تقریب کے دوران پارٹی میں شمولیت اختیار کیا۔اس موقع پر پارٹی قائد سید محمد الطاف بخاری نے پارٹی میں شمولیت پر ا±ن کا خیرمقدم کیا اور امید ظاہر کی کہ پارٹی میں ا±ن کی شمولیت سے ا±وڑی میں پارٹی کیڈر کو مزید تقویت حاصل ہوگی۔انہوں نے کہا، ”میں اپنی پارٹی میں فاروق صاحب کا تہہ دل سے استقبال کرتا ہوں اور مجھے یقین ہے کہ ا±ن کی شمولیت سے پارٹی کو ا±ن کے آبائی علاقے میں مزید تقویت حاصل ہوگی، وہ نہ صرف مقامی سطح پر ایک معروف شخصیت ہیں، بلکہ سماج کے تئیں اپنی خدمات کی انجام دہی کی وجہ سے علاقے میں ا±ن کا خاصا اثر و رسوخ ہے۔ اسلئے میں ا±مید کرتا ہوں کہ فاروق احمد تانترے صاحب کی اپنی پارٹی میں شمولیت ایک خوشگوار بات ہے اور میں ان کا دل کی گہرائیوں سے استقبال کرتا ہوں۔“اس موقعے پر سید محمد الطاف بخاری نے مزیدکہا، ”اپنی پارٹی کا بنیادی مقصد جموں کشمیر کے عوام کے حقوق کا تحفظ کرنا اور اس خطے میں دائمی امن و استحکام، خوشحالی اور تعمیر و ترقی کےلئے ایک فعال کردار ادا کرنا ہے۔ اس ایجنڈے کو تقویت پہنچانے کے مقصد سے جو بھی اپنی پارٹی میں شامل ہوگا، اسے پارٹی کی جانب سے بھر پور مواقعے فراہم کئے جائیں گے۔ مل جل کر ہم اپنے عوام دوست ایجنڈے کو فروغ دینے میں کامیاب ہوجائیں گے۔تقریب میں سید محمد الطاف بخاری کے علاوہ جو سرکردہ پارٹی لیڈران موجود تھے، ا±ن میں پارٹی کے نائب صدر اعجاز احمد خان، سٹیٹ سکریٹری منتظر محی الدین، ضلع صدر سرینگر نور محمد شیخ، ایس ٹی ونگ کے جنرل سیکرٹری خالد بڑھانا، اور دیگر اشخاص موجود تھے۔